កាលពីថ្ងៃទី១៧ ខែកុម្ភៈ សាធារណជន ពិសេសអ្នកលេងបណ្ដាញសង្គមប្រាកដជាបានជ្រាបរឿងចំនួនពីរដែលផ្ទុះបានការចាប់អារម្មណ៍លើបណ្ដាញអ៊ិនធឺណិត ដោយរឿងទីមួយនោះគឺតារាចម្រៀងល្បីលោក ខេមរៈ សិរីមន្តទទួលបានងារជាឧកញ៉ា ប៉ុន្តែលោក ឌួង ឆាយ បែរជាបាត់បង់តួនាទីសំខាន់មួយទៅវិញ។
យោងតាមព្រះរាជក្រឹត្យត្រាស់បង្គាប់ដោយព្រះមហាក្សត្រព្រះបាទ នរោត្តម សីហមុនី បានតែងតាំងតារាចម្រៀងល្បីរូបនេះឱ្យមានគោរមងាជាឧកញ៉ា ដោយបានចេញតាំងពីថ្ងៃទី១១ ខែកុម្ភៈ ឆ្នាំ២០២២។
ប៉ុន្តែបើងាកមកមើលពីបុគ្គលល្បីនៅលើបណ្ដាញសង្គម គឺលោក ឌួង ឆាយ ដែលធ្លាប់មានងារជាឧកញ៉ាដែរនោះ ហាក់ផ្ទុយគ្នាស្រឡះ ព្រោះនៅក្នុងថ្ងៃទី១៧ ខែកុម្ភៈកាលពីម្សិលមិញនេះ បុគ្គលល្បីលើអនឡាញរូបនេះត្រូវបានឯកឧត្តម ហ៊ុន ម៉ានិត ប្រធានក្រុមការងារគណបក្សចុះមូលដ្ឋានស្រុកចំការលើ សម្រេចបញ្ចប់តួនាទីអនុប្រធានក្រុមការងារគណបក្សចុះមូលដ្ឋានឃុំបុសខ្នុរ ដែលសេចក្ដីសម្រេចនេះបានចេញនៅក្នុងថ្ងៃទី១៧ តែម្ដង។
