ក្រុមបាល់ទាត់ជម្រើសជាតិកម្ពុជា ស្ថិតនៅក្នុងពូល ម្ចាស់ផ្ទះឥណ្ឌា ហុងកុង និងអាហ្វហ្គានីស្ថាន ក្នុងវគ្គជម្រុះជុំទី៣ ក្នុងពានរង្វាន់បាល់ទាត់ជើងឯកប្រចាំទ្វីបអាស៊ី AFC Asian Cup 2023។
សូមបញ្ជាក់ថារូបមន្តប្រកួតពានរង្វាន់ជើងឯកប្រចាំទ្វីបAFC Asian Cup 2023 មាន៖
១) វគ្គជម្រុះ៖ កម្ពុជា ប៉ះកោះហ្គាម និងឥណ្ឌូណេស៊ី ប៉ះតៃវ៉ាន់។ អ្នកឈ្នះទាំង២ប្រកួតនេះមានឈ្មោះឡើងទៅវគ្គជម្រុះជុំទី២។ ដូច្នេះកម្ពុជា និងឥណ្ឌូណេស៊ី មានឈ្មោះឡើងទៅលេងប្រកួតវគ្គជម្រុះជុំទី២។
២) វគ្គជម្រុះជុំទី២៖ មានក្រុម២២ នៅរង់ចាំ ដោយត្រូវបែងចែកជា៦ពូល (១ពូលមាន៤ក្រុម)។ ក្រុមដែលរង់ចាំមានអ៊ូបេគីស្ថាន, ហ្សកដានី, បារ៉ែន,ជីគីស្ថាន, ប៉ាឡេស្ទីន,ឥណ្ឌា, ថៃ, គីហ្ស៊ីស្ថាន, ហ្វីលីពីន, ទួរមេនីស្ថាន, មីយ៉ាន់ម៉ា, ហុងកុង, យេមែន, គុយវ៉ែត, អាហ្វហ្គានីស្ថាន, ម៉ាឡេស៊ី, ម៉ាល់ឌីវ,សិង្ហបុរី, នេប៉ាល់, បង់ក្លាដេស, ម៉ុងហ្គោលី និងស្រីលង្កា បូកកម្ពុជា និងឥណ្ឌូណេស៊ី។
ខាងក្រោមជាបញ្ជីឈ្មោះក្រុមទាំង២៤ ក្រោមចាប់ឆ្នោតបែងចែកពូលរួចរាល់នៅរសៀលថ្ងៃព្រហស្បត្តិ៍ នេះ៖
សូមបញ្ជាក់ថា ការប្រកួតនេះបានជ្រើសរើសប្រទេសធ្វើជាម្ចាស់ផ្ទះរួចរាល់ហើយដោយ ពូល Aប្រកួតនៅ គុយវែត, ពូល B ម៉ុងហ្គោលី, ពូល C អ៊ូបេគីស្ថាន, ពូល D ឥណ្ឌា, ពូល E ម៉ាឡេស៊ី, ពូល F នៅគីជីស្ថាន។
៣) វគ្គប្រកួតចុងក្រោយ២៤ក្រុមនៅប្រទេសចិន៖
ពេលនេះមានក្រុមចំនួន១៣ក្រុមទៅហើយមានឈ្មោះទៅប្រកួតមុនគេ ដោយក្នុងនោះមានចិន (ម្ចាស់ផ្ទះ) ជប៉ុន,ស៊ីរី,កាតារ,កូរ៉េខាងត្បូង,អូស្ត្រាលី,អ៊ីរ៉ង់,អារ៉ាប់រួម,អារ៉ាប៊ីសាអ៊ូឌីត,អ៊ីរ៉ង់,អូម៉ង់,វៀតណាមនិងលីបង់។ ក្រុមទាំងអស់សុទ្ធតែជាក្រុមដែលមានឈ្មោះឡើងទៅជុំទី៣ ប្រចាំទ្វីបវគ្គជម្រុះជើងឯកពិភពលោក 2022 FIFA World Cup Qatar។
ដូច្នេះបើបូកទាំងក្រុមខ្លាំងទាំង១១ក្រុមមកពីវគ្គជម្រុះជុំទី២ ធ្វើឱ្យវគ្គនេះមានក្រុមសរុប២៤ក្រុម ដោយត្រូវបែងចែកជាពូលដើម្បីប្រកួតជម្រុះជាបន្ត។
ក្រុមជម្រើសជាតិកម្ពុជា ធ្លាប់ឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់បាល់ទាត់ជើងឯកប្រចាំទ្វីបនេះបាន១លើកកាលពីឆ្នាំ១៩៧២ ដែលកាលនោះធ្វើឡើងនៅរាជធានីបាងកក ប្រទេសថៃ។ កម្ពុជា បានចាញ់អ៊ីរ៉ង់ ២ទល់១ នៅវគ្គពាក់កណ្ដាលផ្ដាច់ព្រ័ត្រនៅគ្រានោះ ហើយបានបន្តចាញ់ម្ចាស់ផ្ទះថៃ នៅវគ្គដណ្តើមចំណាត់ថ្នាក់លេខ៣ ដោយបាល់ប៉េណាំងទីកាត់សេចក្តី៥ទល់៣ ក្រោយប្រកួតគ្នាពេញម៉ោងស្មើ ២ទល់២៕