នៅថ្ងៃទី១០ ខែមីនា ឆ្នាំ២០២២នេះ គេឃើញនៅលើបណ្ដាញសង្គមហ្វេសប៊ុក មានការបន្ដចែកចាយ និងកាត់តវីដេអូរបស់លោកគ្រូមហាជ័យ ខណៈបញ្ចេញក្បាច់នៅពេលបារមីនាគីចូលសណ្ឋិតនៅលើទូក ជាមួយនឹងបទចម្រៀងរបស់ក្រុមចម្រៀង K-pop Blackpink « Kill This Love» និងបទចម្រៀងរបស់តារាស្រីប្រចាំផលិតកម្ម រ៉ាប៊ី «ស្រារាំ»។
នៅក្នុងវីដេអូដែលបង្ហោះពេញហ្វេសប៊ុកនោះ គេបានឃើញលោកគ្រូមហាជ័យ ជាមួយនិងគ្រូមហាជុំ បាននាំគ្នាធ្វើពិធីរម្លឹកនឹកគុណដល់ស្តេចនាគ ហើយនៅក្នុងកម្មពិធីនេះក៏មានអ្នកចូលរួមច្រើនគួរសម្យ រួមទាំងអ្នកសារព័ត៌មានទៀតផង។ ខណៈភ្លើងពិណពាទ្យកំពុងបន្លើឡើងយ៉ាងរំពង ភ្លាមៗក៏ស្រាប់តែគ្រូមហាជ័យ និងគ្រូមហាជុំ ត្រូវបានបារមីស្តេចនាគចូលមកសណ្ឋិតហើយបាននាំគ្នារាំឡើងចាក់ក្បាច់ឡើងកក្រើកទូកតែម្ដង។ ភ្លាមៗនោះ ក៏ស្រាប់តែមានអ្នកលេងបណ្ដាញសង្គមហ្វេសប៊ុកជាច្រើនយល់ឃើញថា ជាការនាំគ្នាសម្តែង ហើយចោទទៀតថា ជាជនបំពុលសង្គមថែមទៀតផង។
ចុចអាន៖ កែវ ទិត្យផល្លី សម្ដែងតួភ្លោះក្នុងរឿង «ដើមរលួសមាស» មិនចាញ់ លី ចាន់សីហា ប៉ុន្មានទេ
ក្រៅពីនេះ គេក៏បានឃើញតួអង្គ កុដុម្ពី នៅក្នុងរឿង« ដើមរលួសមាស» គឺលោក តេង វាសនា ក៏ទ្រាំលែងបានហើយលាន់មាត់ថា៖ «នាគខ្មែរពីមុន ខ្លាំងណាស់ដោយសារភេទច្បាស់ៗ ខ្ញុំជាអ្នកមានជំនឿលើពូជនាគដែរ តែមកបាក់ស្បាតត្រឹមនាគ ហារយ ចូលសន្ទិតមិនមើលមនុស្ស។ #អនិច្ចារ 🥲»។
ទោះជាយ៉ាងណាក្ដី គេជឿថា ជំនឿអរូបិយនៅតែមានឥទ្ធិពលក្នុងសង្គមខ្មែរ រាប់ចាប់តាំងពីជំនឿលើការបន់ស្រន់ សែនព្រេនចំពោះអ្នកតា រហូតដល់អារុក្ខអារក្សទេពតានានា។ ក៏ប៉ុន្តែយើងគប្បីត្រូវបើការពិចារណាដោយប្រយ័ត្នឱ្យបានវែងឆ្ងាយមុននឹងដាក់ចិត្តជឿ ព្រោះជំនឿអរូបិយខ្លះក៏ជាផ្នែកមួយនៃឱកាសអាជីវកម្មរបស់ជនទុច្ចរិត ក៏គេថាបាន៕
ទស្សនាវីដេអូនេះ៖