ថៃ – តារាសម្ដែងជួរមុខរបស់ថៃ កញ្ញា Yaya Urasaya បានប្រកាសថាខ្លួនបានឆ្លងជំងឺកូវីដ-១៩ ក្រោយពេលបានជួបប៉ះពាល់ជាមួយនឹងអ្នកជំងឺកូវីដ-១៩ ជាមួយគ្នានោះដែរតារាស្រីរូបនេះក៏បានចេញមុខសុំទោសចំពោះរឿងនេះនៅលើ Instagram ផងដែរ។
កញ្ញា Yaya បានប្រកាសព័ត៌មាននេះតាមរយៈ IG ផ្ទាល់ខ្លួនដោយបញ្ជាក់ថាខ្លួនបានឆ្លងជំងឺកូវីដ-១៩ហើយ ក្រោយបានជិតស្និទ្ធជាមួយនឹងអ្នកមានផ្ទុកវីរុសកូវីដ ព្រមទាំងសុំទោសចំពោះអ្នកគ្រប់គ្នាដែលរងផលប៉ះពាល់ ដោយសារតែកញ្ញា។
សេចក្ដីទាំងស្រុងក្នុង IG របស់ Yaya មានដូចតទៅ៖ «ក្រោយពី yaya បានជិតស្និទ្ធជាមួយនឹងអ្នកមានផ្ទុកវីរុស Covid-19 ya បានប្រញាប់ទៅពិនិត្យរកវីរុសនេះដោយ RT-PCR ជាលទ្ធផលចេញមករកឃើញថាមានឆ្លងជំងឺ Covid-19 អ្នកម៉ាក់បានប្រកាសឱ្យអ្នកពាក់ព័ន្ធទាំងអស់ជ្រាប និងសុំទោសចំពោះចំពោះអ្នកដែលប៉ះពាល់ទាំងអស់នាខណៈនេះផង។»
ងាកមកអ្នកគាំទ្រវិញ ក្រោយបានដឹងដំណឹងនេះភ្លាមបាននាំគ្នាផ្ញើកម្លាំងចិត្តដល់ Yaya យ៉ាងច្រើនសន្ធឹកសន្ធាប់ ជាពិសេសគឺជូនពរឱ្យឆាប់ជាយ៉ាងឆាប់រហ័ស៕
ប្រភព៖ sanook
