មុននេះបន្ដិច តារាស្រី ដួង ម៉ានិច្ច បានបង្ហោះរូបភាពសិចស៊ីជាច្រើនសន្លឹកនៅលើបណ្ដាញសង្គមហ្វេសប៊ុក ដោយភ្ជាប់ខ្លឹមសារថា ជាភាពជឿជាក់លើខ្លួនឯង។ ក៏ប៉ុន្ដែ មហាជនអ្នកលេងបណ្ដាញសង្គមជាច្រើននាក់ ហាក់ដូចមិនពេញចិត្តចំពោះការបង្ហាញឈុតប៊ីគីនីដែលស្ទើរតែធ្វើឱ្យប្រុសៗឈាមច្រមុះបែបនេះទាល់តែសោះ និងបានបាញ់សម្ដីជាច្រើនឱ្យតារាស្រីរូបនេះផងដែរ។
កញ្ញា ដួង ម៉ានិច្ច បានរៀបរាប់បញ្ជាក់ឱ្យមហាជនដឹងថា ៖ «ខ្ញុំជឿជាក់លើខ្លួនឯង ជឿជាក់មនុស្សជុំវិញខ្លួន ដែលគាំទ្រ ព្រោះគ្រប់ជំហានក្នុងការបង្ហាញរបស់យើង មិនប្រាកដថាគ្រប់យ៉ាង សុទ្ធតែត្រូវនោះទេ🤫។ សម្រាប់ខ្ញុំថ្ងៃនេះមិនសុំអ្វីច្រើន សុំត្រឹមជាមនុស្សម្នាក់ដែលបានមានឱកាស ក្នុងការបង្ហាញសមត្ថភាពគ្រប់ទម្រង់🥰។ គ្រប់ជំហានរបស់ខ្ញុំពេលដើរ(ត្រូវ) ខ្ញុំតែងតែអរគុណ🙏ខ្លួនឯងនិងមនុស្សជុំវិញខ្លួន🙏 តែ..បើ(ខុស)ខ្ញុំតែងតែផ្តល់កម្លាំងចិត្តឱ្យខ្លួនឯង ព្រមក្នុងការទទួលយក😊។ ខ្ញុំសង្ឃឹមថាហ្វេនម៉ាក់និច និងហ៊ានក្នុងការបញ្ចេញសមត្ថភាព ដើម្បីស្វែងរកភាពជា ខ្លួនឯង💙🤟🏻💙»។
ទោះជាស្ថិតនៅខ្លឹមសារបែបណាក៏ដោយ ក៏មហាជននៅតែសម្ដែងអារម្មណ៍មិនពេញចិត្ត ដោយអះអាងថា អ្នកដែលជាតារាត្រូវធ្វើជាគំរូល្អដល់គេ មិនមែនមកថតអាក្រាតកាយបែបនេះទេ។ គេឃើញនៅក្នុង Comment អ្នកលេងបណ្ដាញសង្គមហ្វេសប៊ុកបាននិយាយថា ៖ «ខ្ញុំក៏ជានារីភេទដែរ ថ្វីត្បិតមិនមានរូបកាយសាច់ឈាមល្អស្រស់ដូចអ្នកតែខ្ញុំរអៀនខ្លួនជួស ទោះបីក្នុងសម័យកាលណាក៏ដោយ នរណាក៏ចូលចិត្តភាពស្រស់ស្អាតដែរតែមានព្រំដែន»។ ហើយមានខ្លះទៀតលើកឡើងថា ៖ «ខ្ញុំមិនមែនអ្នកចេះដឹងជ្រៅជ្រះអ្វីដែរ តែខ្ញុំក៏មិនគ្រាំទ្ររាល់ការ ស្លៀកពាក់សិចស៊ី លេចលើ លេចក្រោមដែរ ឬក៏ការធ្វើអីចឹងទាមទារចំណាប់អារម្មណ៍អ្នកដែលមើលឃើញថារាងគាត់ស្អាត វាមិនមែនទាល់តែស្លៀកចឹងបានគេសរសើរថាស្អាតទេ ស្លៀកពាក់ឱ្យសម្យសួនទៅក៏ល្អគន់ប្រសើរជាងល្អមើល»។ នៅមិនទាន់អស់ទេ នៅមានមហាជនជាច្រើនទៀតបានផ្លោងសម្ដីឱ្យតារាស្រីរូបនេះ។
ដោយឡែក គេមិនឃើញមានការវែកញែករកខុសឬត្រូវចំពោះការបង្ហាញភាពសិចស៊ីរបស់តារាស្រី ដួង ម៉ានិច្ច នោះទេ ក៏ប៉ុន្ដែនេះគ្រាន់តែមានការលើកឡើងពីការមិនពេញចិត្តច្រើនបំផុតពីសំណាក់មហាជនអ្នកគាំទ្រដែលជាអ្នកដាក់ពិន្ទុរតែប៉ុណ្ណោះ៕
ប្រភព៖ ហ្វេសប៊ុក
សូមចុចអាន-ឈុតទៅលេងសមុទ្រ ៤សន្លឹករបស់ ជីមមី ធ្វើឱ្យអ្នកលេងបណ្ដាញសង្គមវែកញែកមិនឈប់