តារាសម្ដែងរូបសង្ហាលោក Prince ព្រីន ក៏មិនខុសពីមហាជនដែលបានផ្ដោតការចាប់អារម្មណ៍និងតាមដានរឿងតម្លៃប្រេងសាំងឡើងថ្លៃនេះ រហូតបង្ហោះសម្ដីមួយឃ្លាបែបចាក់ដោតពាក់ព័ន្ធនឹងបញ្ហានេះផងដែរ។
នៅព្រឹកថ្ងៃទី១៨ ខែមីនា ឆ្នាំ២០២២នេះ តារាសម្ដែងរូបសង្ហាប្រចាំសាស្ត្រាហ្វីម លោក ព្រីន បានបង្ហោះសំនេរខ្លីមួយលើផេករបស់លោកដែលមានចំនួនអ្នកជាង៤៧ម៉ឺនគណនីនេះពីបញ្ហាតម្លៃប្រេងសាំងកំពុងតែហក់ឡើងខ្ពស់នាពេលបច្ចុប្បន្នដោយសារតែវិបត្តិនៃសង្គ្រាម រុស្សី និង អ៊ុយក្រែន។
«ក្រអូបជាងគេគឺកេរ្តិ៍ឈ្មោះ ពីរោះជាងគេគឺសម្ដី ថ្លៃជាងគេ គឺសាំងស៊ុបពែរ Me : Ok ជិះសេះ»
ថ្វីត្បិតតែក្នុងសំនេរមានបង្កប់ទៅដោយភាពកំប្លែងលេងសើច ប៉ុន្តែក៏ស្ដែងឱ្យឃើញពីការចាប់អារម្មណ៍របស់តារារូបនេះទៅលើបញ្ហាប្រេងសាំងដែលមានតម្លៃថកាន់តែថ្លៃឡើងដោយសារតែរងផលប៉ះពាល់ដោយសារតែវិបត្តិសង្គ្រាមរវាងរុស្សីនិងអ៊ុយក្រែនមិនទាន់មានសញ្ញានឹងចប់នាពេលឆាប់ៗនេះ។
ងាកមកហ្វេនៗឯណោះវិញ ហាក់មិនបានចាប់អាររម្មណ៍ទៅលើសម្ដីឬអត្ថន័យរបស់តារាសម្ដែងរូបនេះឡើយ ព្រោះពួកគេម្នាក់ៗរវល់តែផ្ដោតលើរូបសម្រស់ ពិសេសគឺសរសើរលើមុខនិងរាងដ៏សង្ហារបស់លោកដែលកំពុងតែអង្គុយលើខ្នងសេះទៅវិញ៕
ប្រភព៖ Prince ព្រីន | Facebook