ថៃ – នេះគឺជារឿងចៃដន្យ ឬមួយក៏ព្រហ្មលិខិតបានកំណត់ទុករួចទៅហើយ? បទចម្រៀងចាស់ធ្លាប់ល្បីល្បាញមួយបទរបស់ភរិយានាយ ប៉ គឺអ្នកនាង Benz Prikthai ត្រូវបានហ្វេនៗរំលឹកឡើងវិញ ហើយបញ្ចេញមតិសឹងតែដូចគ្នាៗថា Benz ប្រៀបដូចជាច្រៀងបទនេះឱ្យខ្លួនឯងនាថ្ងៃអនាគតដូច្នោះដែរ។
Hi-So ប៉ ភរិយា និងកូនប្រុស-កូនស្រី 
Benz គឺអតីតតារាចម្រៀងនាំមុខក្រុមចម្រៀង Prikthai ដែលជាក្រុមចម្រៀងមានឈ្មោះល្បីនិងមានបទចម្រៀងពីរោះៗត្រូវចិត្តអ្នកស្ដាប់នោះ បាននឹងកំពុងតែត្រូវសាធារណជនតាមដានពីជីវិតរបស់នាងគ្រប់ជំហាន បើទោះជានាងបានឃ្លាតឆ្ងាយពីសិល្បៈហើយសាងគ្រួសារក្ដី។ ការដែលជីវិតនាងមិនបានស្ញប់សុខនោះ ព្រោះតែរឿងក្ដីទាក់ទងនឹងការស្លាប់របស់កំពូលតារាសម្ដែងស្រីថៃ នាង តេងម៉ូ និដា នៅមិនទាន់ដោះស្រាយចប់ ហើយស្វាមីនាងគឺជាមនុស្សម្នាក់ដែលគេកំពុងសង្ស័យ។
អ្នកស៊ើបការអនឡាញមួយចំនួនដែលមិនពេញចិត្តចំពោះប្រតិបត្តិការរបស់សមត្ថកិច្ចប៉ូលិសថៃបាននាំគ្នាព្យាយាមជីកគាស់កកាយរឿងរ៉ាវផ្សេងៗឱ្យតែមានពាក់ព័ន្ធនឹងនាយប៉ បុរសម្នាក់ក្នុងចំណោមអ្នកជាប់សង្ស័យថាបានសម្លាប់តេងម៉ូ ហើយប្រាកដណាស់ Benz ដែលជាភរិយារបស់លោក ក៏ត្រូវបានគេចាប់អារម្មណ៍និងអូសចូលទៅក្នុងបញ្ហាដ៏ស្មុគស្មាញនេះដោយចៀសមិនផុត។
អ្នកលេងបណ្ដាញសង្គម មួយចំនួនបានចូលទៅមើលបទចម្រៀងចាស់ៗរបស់ Benz ហើយបាននិយាយដូចៗគ្នាថា បទចម្រៀង «ฮองเฮา», «เวรกรรม» និង បទ «รักสามเศร้า» គឺមានអត្ថន័យស៊ីគ្នាទៅនឹងសាច់រឿងដែលកំពុងតែកើតឡើងនាពេលបច្ចុប្បន្ននេះ ឧទាហរណ៍ដូចជាបទ «ฮองเฮา ឬ មហេសី» មានឃ្លាមនុស្សប្រុសចែវទូកទុកមនុស្សស្រីចោល ចំណែកបទ «เวรกรรม» ដែលមានន័យថាវេនកម្ម ក៏ត្រូវបានអ្នកលេងអ៊ីនធឺណិតនិយាយថាអ្នកប្រព្រឹត្តិអំពើអាក្រក់ប្រាកដជាគេចមិនផុង ខណៈដែលបទ «รักสามเศร้า» ឬ «ស្នេហាត្រីកោណ» ក៏អាចនិយាយបានស្រដៀងនឹងជីវិតគូតារាស្រីនេះ នៅពេលមានព័ត៌មានប្លែកធ្លាយ ប៉ ធ្លាប់ជាអតីតគូស្នេហ៍របស់កាទិ ដែលពួកគេនៅជាយុវវ័យផងដែរ។
សម្រាប់ភរិយារបស់ Hi-so ប៉ បច្ចុប្បន្នអតីតតារាចម្រៀង Benz Prikthai គឺជាចាងហ្វាងផលិតកម្ម Mellow Me ដែលមានចំនួន Subscribers លើឆាណែល Youtube ជាង ៦៣៣K៕
សូមស្ដាប់និងទស្សនាបទចម្រៀងទាំង៣បទខាងក្រោមនេះ
១. «ฮองเฮา»
២. «เวรกรรม»
៣. «รักสามเศร้า»