កូរ៉េខាងត្បូង – តារាសម្ដែងជើងចាស់ Ko Doo Sim បានជួបជាមួយនឹងសិស្សប្អូនរបស់ខ្លួនគឺតារាសម្ដែង Yoon Eun Hye ជាលើកដំបូង ក្រោយបែកគ្នាជាយូរហើយអ្នកទាំងពីរក៏បានជជែកគ្នាពីនេះពីនោះផងដែរ។
កម្មវិធីទូរទស្សន៍របស់ Channel A ដែលមានឈ្មោះថា «Because Ko Doo Sim Likes» បានចាក់ផ្សាយកាលពីថ្ងៃទី២៧ ខែមីនា ដោយក្នុងនោះ Ko Doo Sim បានធ្វើដំណើរកម្សាន្តនៅតំបន់ Gwangyang-si នា Jeollanam-do ជាមួយនឹងសិស្សប្អូនរួមអាជីព Yoon Eun Hye។
សម្លឹងមើលទៅទន្លេ Seomjingang មិត្តចាស់ទាំងពីរមិនអាចដកកែវភ្នែកចេញពីទិដ្ឋភាពដ៏ត្រកាលនោះបានឡើយ។ ពេលនោះ Yoon Eun Hye តួឯកស្រីពីភាពយន្តភាគ «នឹកណាស់នួនល្អង» ធ្លាប់បញ្ចាំងលើកញ្ចក់ទូរទស្សន៍ហង្សមាសបាននិយាយថា៖ «ខ្ញុំគិតថាខ្ញុំខកខានបានឃើញទេសភាពស្អាតស្រស់បែបនេះជាង១០ឆ្នាំមកហើយ» ហើយពេលនោះដែរ Ko Doo Sim បានឆ្លើយតបថា «យើងរស់នៅដោយធ្វើការងារធ្ងន់ ប៉ុន្តែពេលខ្ញុំពិតជារីករាយនិងរំភើបដែលអាចធ្វើដំណើរជុំវិញប្រទេសតាមរយៈកម្មវិធីនេះ»
តារាទាំងពីរដួងនេះបានក្លាយជាមិត្តសម្លាញ់នឹងគ្នាជាង១០ឆ្នាំហើយ ក្រោយពេលមានឱកាសបានសម្ដែងក្នុងរឿងភាគជាមួយគ្នា។ Yoon Eun Hye បាននិយាយថា «ខ្ញុំចង់សួរបន្តិចអត់បន្តិចតើខ្ញុំគួរសួរសំនួរនេះទេ ប៉ុន្តែការចូលតួពិតជាល្អខ្លាំងមែនទែន (ពិតជាពិបាកណាស់ក្នុងការនិយាយ)។ ខ្ញុំបានទទួលទូរស័ព្ទថាអ្នកមីងអញ្ជើញខ្ញុំមកចូលរួមក្នុងកម្មវិធីនេះក្រោយបែកគ្នាអស់១០ឆ្នាំ»
ឆ្លើយតបចំពោះអ្វីដេល Yoon Eun Hye បានលើកឡើង Ko Doo Sim បានលើកសរសើរចំពោះសិស្សប្អូនក្នុងអាជីពសម្ដែងរបស់ខ្លួនថា «ខ្ញុំបានឃើញឯងចម្អិនអាហារក្នុងកម្មវិធីផ្សាយ ឯងនៅតែក្មេងនិងស្អាតហើយមានអ្វីៗគ្រប់យ៉ាង»។ ដោយឡែក Yoon Eun Hye បាននិយាយថា «ចាស ខ្ញុំអត់មានតែម្យ៉ាងគត់គឺប្ដី»។ បន្ទាប់មក Ko Doo Sim បានផ្ដល់ដំបូន្មានថា «កុំបោះបង់ចោល(អាពាហ៍ពិពាហ៍)» ដោយ Yoon Eun Hye បានតបថា «ខ្ញុំមិនបោះបង់ចោលនោះទេ»។
ប្រភព៖ KBIZOOM
