នៅថ្ងៃទី៣០ ខែមីនានេះ ផេកល្បីល្បាញមួយរបស់កម្ពុជាបានបង្ហោះរូបភាពតារាចម្រៀង វណ្ណដា រួម Frame ជាមួយនឹងតារាចម្រៀង Rapper ថៃល្បីៗជាច្រើនដួង ហើយថែមទាំងលើកឡើងទៀតថាតារាចម្រៀងឈានមុខកម្ពុជារូបនេះអាចនឹងមានការ Collaboration (ច្រៀងរួម) រវាងតារាចម្រៀងល្បីកម្ពុជានិងតារាចម្រៀងថៃ។
យោងតាមរយៈផេក Universe Pageant បានបង្ហោះនៅលើបណ្ដាញសង្គមហ្វេសប៊ុកនូវរូបភាពជាច្រើនសន្លឹករបស់ Rapper ជួរមុខរបស់កម្ពុជាគឺ វណ្ណដា ជាមួយនឹងតារាថៃ ដោយក្នុងនោះមានទាំងរូបភាពទទួលទានអាហារជុំគ្នា រូបភាពកំពុងអង្គុយក្នុងបន្ទប់ថតសំឡេងជាដើម។
តាមដឹងតារារ៉ែបថៃដែលត្រូវគេសន្មតថានឹងចាប់គូច្រៀងរួមជាមួយនឹងវណ្ណដាមានលោក F* Hero តារាចម្រៀងមាឌយក្សធ្លាប់ Collaboration ជាមួយនឹង NCT & BamBam ក៏ដូចជាតារាចម្រៀងវ័យក្មេងម្ចាស់ពាន The Rapper របស់ Workpoint គឺ Sprite ដោយតារាចម្រៀងក្មេងរូបនេះល្បីល្បាញខ្លាំងធ្លាប់មានបទចម្រៀងជាប់ តារាងចម្រៀងអន្តរជាតិ billboard hot 100 ថែមទៀតផង។
ផេកខាងលើនេះបានសរសេរថា៖ «Wow Vann Da – វណ្ណដា ប្រហែលមានការងារថ្មីជាមួយនឹងRaperនៅថៃ , F.Heroដែលធ្លាប់Collaboration ជាមួយ NCT & Bam Bam ក៏មករួមការងារជាមួយដែរ មានSprite ម្ចាស់ពាន The Rapperទៀត»
ប៉ុន្តែបើមើលទៅលើហ្វេនៗកម្ពុជាហាក់ដូចជាមិនសូវជារីករាយនិងសាទរចំពោះដំណឹង Collaboration រវាងតារាកម្ពុជានិងតារាថៃប៉ុន្មាននោះទេ ដោយហ្វេនមួយចំនួនបានលើកឡើងនៅខាងក្រោមផុសនោះយ៉ាងដូច្នេះថា៖ «ផែនការលួច Vannda ជិតបានសម្រេចហើយ», «ស៊ើបពីល្បិចគេផង Idol», «អត់ចង់ឱ្យ Fit ជាមួយនឹងថៃបើប្រទេសផ្សេងល្អជាង», «Tah pin nis puk thai ban jit pdouy ot sbay jmouy te (តែប៉ុននេះពួកថៃបានចិត្តបណ្ដោយ អត់សប្បាយជាមួយទេ)»៕