កូរ៉េខាងត្បូង – ក្រុម BTS បានបង្ហាញវត្តមានកិត្តិយសតាមរយៈប្រព័ន្ធ VCR នៅក្នុងកម្មវិធី American Academy Awards លើកទី៩៤ បានរៀបចំនៅ Hollywood ទីក្រុង Los Angeles រដ្ឋ California ដោយក្នុងនោះក្រុមចម្រៀងនេះមិនភ្លេចរំលេចឈ្មោះបុរសល្បីដោយសារឡើងទៅទះកំផ្លៀងគេការពារប្រពន្ធ តារាសម្ដែង Will Smith នោះឡើយ។
ចូលរួមតាមរយៈ VCR សមាជិក BTS បានលើកឡើងពីតួអង្គ Pixar ក្នុងភាពយន្តតុក្កតា «Coco» ជាងនោះទៀតមេក្រុម BTS កំលោះ RM ថែមទាំងបញ្ជាក់ថាខ្លួនទស្សនា «Coco» ចំនួន៣ដង ហើយគេថែមទាំងយំខ្លាំងទៀតផង។
ចំណែក J-Hope បាននិយាយថា ខ្លួនចូលចិត្តទស្សនាភាពយន្ត Disney ទាំងអស់ ហើយគេចូលចិត្តជាពិសេសគឺរឿង Aladdin ខណៈមេក្រុម BTS បានបន្ថែមទៀតថាគេគាំទ្រ Aladdin សម្ដែងដោយ will Smith។
គួរដឹងថាតារាសម្ដែង Yoon Yeo Jung បានបង្ហាញវត្តមានជាអ្នកប្រកាសឈ្មោះតួរងឆ្នើមនៅក្នុងកម្មវិធីប្រគល់រង្វាន់នោះផងដែរ៕
ប្រភព៖ Official-Army
