គិតត្រឹម៥សប្ដាហ៍មកនេះក្នុងពានរង្វាន់លីគកំពូលកម្ពុជា Cambodian Premier League 2022 មានកីឡាករ៦១នាក់ត្រូវបានអាជ្ញាកណ្ដាលពិន័យកាតលឿង-ក្រហម សរុបចំនួន៧៧សន្លឹក ខណៈកីឡាករ ឈិន ឈឿន ខ្សែបម្រើរបស់ក្រុមកងយោធពលខេមរភូមិន្ទ (Tiffy Army FC) ជាកីឡាករដំបូងគេត្រូវពិន័យកាតក្រហម។
ប្រកួតនៅរសៀលថ្ងៃសៅរ៍ ទី២ ខែមេសា ឆ្នាំ២០២២ ថ្មីៗនេះ នៅកីឡដ្ឋានហនុមាន កីឡាករ ឈិន ឈឿន ត្រូវលោកអាជ្ញាកណ្ដាល ស្រី សុវណ្ណរ៉េត ពិន័យកាតក្រហម ភ្លាមៗនៅមុខទីរបស់ខ្លួនក្នុងនាទីទី៨០ ខណៈរូបគេត្រូវបានលោកគ្រូបង្វឹក ហោ សុខហេង ប្តូរឱ្យចូលជំនួសកីឡាករអេហ្ស៊ីប Elsayed Mahmoud នៅនាទី៦៦។
សរុបកីឡាករដែលត្រូវពិន័យកាតច្រើនជាងគេមាន៖
ឈិន ឈឿន (Tiffy Army FC) ២សន្លឹក (ក្រហម១សន្លឹក)
ស៊ុក វឌ្ឃនា (Tiffy Army FC) ៣សន្លឹក
Alexandre Cardoso (បឹងកេត) ៣សន្លឹក
Jozsef Keaveny (អង្គរថាយហ្គឺរ) ៣សន្លឹក
កាន់ ពិសាល (Tiffy Army FC) ៣សន្លឹក
ផាត សុខា (ណាហ្គាវើល) ២សន្លឹក
ជូ ស៊ីនទិ (ព្រះខ័នរាជស្វាយរៀង) ២សន្លឹក
សុផល ឌីម៉ង់ (អង្គរថាយហ្គឺរ) ២សន្លឹក
Cristian Roque (ណាហ្គាវើល) ២សន្លឹក
គឹម សុខយុទ្ធ (ព្រះខ័នរាជស្វាយរៀង) ២សន្លឹក
អ៊ុក សុវណ្ណ (វិសាខា) ២សន្លឹក
ជា សុខម៉េង (ណាហ្គាវើល) ២សន្លឹក