ដោយសារវិបត្តិនៃជំងឺកូវីដ-១៩ រីករាលដាលឆ្លងជាសកលធ្វើឱ្យកម្ពុជាខកខានប្រារព្ធពិធីបុណ្យចូលឆ្នាំខ្មែរប្រពៃណីជាតិ ប៉ុន្តែឆ្នាំនេះសណ្ឋានភាពធូរស្រាលធ្វើឱ្យពិធីអបអរសាទរនានាត្រលប់មករៀបចំឡើងវិញ នេះអាចចាត់ទុកជាឱកាសមាស-ពេជ្រសម្រាប់សិល្បករ-សិល្បការិនីខ្មែរ កើបលុយចូលហោប៉ៅ។ ដោយឡែកសម្រាប់អ្នកនាង ម៉េង កែវពេជ្ជតា បែរជាមិនគិតដូច្នោះឡើយ ដោយអ្នកនាងសុខចិត្តមិនទទួលការងារហើយឆ្លៀតឱកាសនោះទៅសួរសុខទុក្ខកូនប្រុសបណ្ដូលចិត្តរបស់ខ្លួនកំពុងសិក្សានៅបរទេស។
យោងតាមការរៀបរាប់របស់អ្នកម្ដាយប្រកបដោយព្រហ្មវិហារធម៌រូបនេះលើបណ្ដាញទំនាក់ទំនងសង្គមហ្វេសប៊ុកអ្នកនាងបានឱ្យដឹងថាអ្នកនាងនឹងមិនទទួលការងារសិល្បៈក្នុងកំឡុងរដូវបុណ្យចូលឆ្នាំប្រពៃណីជាតិនេះឡើយ ព្រោះអ្នកនាងត្រូវទៅលេងកូននៅស្រុកបារាំង ហេតុនេះអ្នកនាងសុំអភ័យទោសចំពោះបណ្ដាក្រុមហ៊ុននិងម្ចាស់កម្មវិធីដែលស្រលាញ់និងចង់បានអ្នកនាងទៅច្រៀងនៅក្នុងកម្មវិធីរបស់ខ្លួន។
អ្នកនាង ម៉េង កែវពេជ្ជតានិងកូនស្រីពៅ 
អ្នកនាង ម៉េង កែវពេជ្ជតានិងកូនប្រុសច្បង
នេះគឺជាការលើកឡើងរបស់អ្នកនាងនៅលើបណ្ដាញទំនាក់ទំនងសង្គមហ្វេសប៊ុកកាលពីរាត្រីទី៥ ខែមេសាឆ្នាំ២០២២៖ «សង្រ្កាន្តឆ្នាំនេះនាងខ្ញុំមិនបាននៅច្រៀងជូនទេ ដោយសារនាងខ្ញុំត្រូវមកមេីលកូនរៀនឯស្រុកបារាំង។ សូមអភ័យទោស និងសូមអរគុណដល់បណ្តាក្រុមហ៊ុន ម្ចាស់ពិធីនានាដែលផ្តល់កិត្តិយសអញ្ជេីញនាងខ្ញុំ»
ប្រភព៖ Meng Keo Pichenda – ពេជ្ជតា
