ប្រិយមិត្តមួយភាគធំដែលជាអ្នកគាំទ្របទចម្រៀង «ស្ទាវខេត្ត» បទចម្រៀងបកស្រាយរួមគ្នាដោយតារាចម្រៀង Original ៣ដួង មាន ថេណា វណ្ណ ចេស្ដា និង Glomyy Vincent។ យ៉ាងណាមិញបទចម្រៀងដែលឆក់បានចិត្តអ្នកគាំទ្រជាយុវវ័យមួយនេះបានធ្វើឱ្យមានការពិភាក្សាគ្នាត្រង់ប៉ារ៉ូលដែលច្រៀងដោយ វណ្ណ ចេស្ដា រហូតធ្វើឱ្យសាមីខ្លួនចាំបាច់ត្រូវតែមកឆ្លើយតបឱ្យអស់សង្ស័យនៅលើឆាកប្រគំតន្ត្រីអបអរសង្ក្រាន្តឆ្នាំខាលនាខេត្តសៀមរាប។
កាលពីថ្ងៃទី១៤ ខែមេសា ឆ្នាំ២០២២ តារាចម្រៀង វណ្ណ ចេស្ដាក្នុងនាមឋានៈជាតារាចម្រៀងកិត្តិយសនៅលើឆាកប្រគំតន្ត្រីបានលើកយកបទចម្រៀងជាច្រើនបទរបស់ខ្លួនមកបកស្រាយដើម្បីកំដរអារម្មណ៍អ្នកទស្សនាទាំងនៅមុខឆាកប្រគំតន្ត្រីនិងនៅមុខកញ្ចក់ទូរទស្សន៍ Mytv។
ឆ្លៀតក្នុងឱកាសនោះដែរ វណ្ណ ចេស្ដា ក៏បានលើកយកបទចម្រៀង «ស្ទាវខេត្ត» មកបកស្រាយអត់ភ្លេងត្រង់ប៉ារ៉ូលរបស់ខ្លួន ដោយក្នុងពេលជាមួយគ្នានោះដែរ អតីតបេក្ខជន Cambodia’s Got Talent រដូវកាលទីមួយនេះក៏បានបកស្រាយចម្ងល់ជាច្រើនដែលហ្វេនបានលើកឡើង ព្រោះហ្វេនខ្លះបានយល់ឃើញខុសៗគ្នា មានអ្នកខ្លះយល់ឃើញថាចំណុចនោះច្រៀងថា «ចង់ស៊ីហង្សហើយ» ជាដើម ប៉ុន្តែតាមការពិតវិញនោះ ប៉ារ៉ូលដើមរបស់គេគឺច្រៀងថា «ហង្សឯក» នេះបើតាមការពន្យល់របស់សាមីខ្លួនដោយផ្ទាល់។
សង្ឃឹមថាក្រោយពេលដែលប៉ារ៉ូលចេញមកឆ្លើយតបដោយផ្ទាល់បែបនេះហ្វេនៗដែលធ្លាប់តែច្រៀងខុសឬស្ដាប់ច្រឡំនិងត្រលប់មកច្រៀងឱ្យត្រូវប៉ារ៉ូលវិញណា៕
ទស្សនាបទចម្រៀង «ស្ទាវខេត្ត» ខាងក្រោមនេះ៖
អត្ថបទទាក់ទង៖
