ថៃ – Bella ត្រូវមហាជនចាប់អារម្មណ៍ជាពិសេស ក្រោយផ្ទុះដំណឹងបែកបាក់គ្នាជាមួយនឹងអតីតសង្សារ ហើយមិនយូរប៉ុន្មានខាងប្រុសមានព័ត៌មានលេចឮបណ្ដើរស្រីថ្មីថែមទៀត រឹតតែធ្វើឱ្យហ្វេនៗបារម្ភហើយគិតថាតើមកដល់ពេលនេះ Bella ធ្វើចិត្តបានឬនៅ? ជាពិសេសធ្វើឱ្យមនុស្សជាច្រើនចង់ដឹងថា Valentine ដែលកន្លងមកនោះ Bella អផ្សុកដែរឬទេ?
មានឱកាសបានឆ្លើយតបចំពោះចម្ងល់អស់ទាំងនេះ Bella បាននិយាយឱ្យដឹងថា រឿងដែលមានគេសួរថាមានអ្នកមកសុំស្រលាញ់ច្រើនឬអត់? ការពិតទៅមានមកលក្ខណៈមិត្តភក្ដិរបស់មិត្តភក្ដិចូលមកសួរនាំខ្លះៗ ប៉ុន្តែ Bella មិនបើកចិត្ត តែក៏មិនបានបិទទាំងស្រុងដែរ និយាយរួម Bella និយាយថាខ្លួនមិនដឹងថាត្រូវប្រើពាក្យណាដូចគ្នាដែរ។
ដោយឡែកសម្រាប់ថ្ងៃបុណ្យនៃក្ដីស្រលាញ់កន្លងមកនោះ Bella ប្រាប់ថាបានទទួលបាច់ផ្កាច្រើនគួរសម តែអត់មានអីពិសេសនោះទេ គឺបានពីហ្វេន មិត្តភក្ដិនិងអតិថិជន ចំណែករឿងដែលហ្វេនៗពន្យុះឱ្យសេពគប់ជាមួយនឹងបង Pope គឺជារឿងធម្មតា ព្រោះមានជារឿយៗមកហើយ។
សម្រាប់រឿងនេះ Bella បាននិយាយថាខ្លួនមិនដឹងនោះទេ ហើយក៏មិនមានផ្លូវបានដឹងនោះដែរថាទៅថ្ងៃខាងមុខការគិតរបស់ខ្លួននឹងមានការប្រែប្រួលទៅជាបែបណា ឬនឹងមានរឿងអ្វីកើតឡើង ប៉ុន្តែបើសួរនៅក្នុងពេលនេះ បច្ចុប្បន្នស្ថិតក្នុងឋានៈជាបងប្រុសនៅឡើយ៕
ប្រភព៖ siamnews
អត្ថបទទាក់ទង៖
- ពេលនេះ Bella Ranee បិទទំព័រសង្សារ៩ឆ្នាំជាមួយលោក Weir Sukonwat ជាស្ថាពរ
- ដឹងចរិតពិតកែមិនឡើង Weir សង្សារចាស់ Bella អ្នកគាំទ្រអាណិតខាងស្រីខ្លោចចិត្ត ខំអត់ធ្មត់បានដល់៩ឆ្នាំ
- ទីបំផុត Weir Sukollawat ព្រមបើកចិត្តលើកដំបូង ព្រលយអារម្មណ៍ពិតក្រោយបញ្ចប់ឆាកស្នេហ៍៩ឆ្នាំជាមួយ Bella
- ភស្ដុតាងស្ដែងៗ! Weir បណ្ដើរនារីសក់ខ្លីម្នាក់នេះ មុននឹងប្រកាសចែកផ្លូវពី Bella (ម៉ែការ៉ាកេត)
