«ព្រះថោងនាងនាគ» ជារឿងព្រេងដែលគេដំណាលតៗគ្នាមក ថាមានការទាក់ទងទៅនឹងការកកើតទឹកដីខ្មែរ ដោយមានព្រះថោងនិងនាងនាគជាឪពុកម្ដាយ ជាជីដូនជីតា ជាអ្នកបង្កបង្កើតឱ្យមានជាតិកំណើតលើទឹកដីខ្មែរ មុនគេដំបូងបង្អស់។
យ៉ាងណាមិញ រង្វល់មូល«ព្រះថោងនាងនាគ» គឺស្ថិតនៅចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ មានកម្ពស់២១ម៉ែត្រ រចនាស្ថាបត្យកម្ម ដោយកូនខ្មែរ ត្រូវបានសាងសង់ឡើងយ៉ាងហ្មត់ចត់នៅប្រទេសចិន និងបានដឹកមកដល់កំពង់ផែស្វយ័តក្រុងព្រះសីហនុប្រទេសកម្ពុជា កាលពីថ្ងៃ២៥ ខែមីនា ២០២២។ ជាពិសេសនោះ ព្រះថោងនាងនាគ បែរព្រះភក្ត្រឆ្ពោះទៅសមុទ្រ ទ្រង់ដំណើរយាងទៅជួបព្រះមាតាបិតានាឋានភុជង្គនាគ ជានិម្មិត្តរូបនៃការកកើតទឹកដី វប្បធម៌អរិយធម៌ ប្រពៃណី ទំនៀមទម្លាប់របស់ខ្មែរ។
រូបសំណាក «ព្រះថោងនាងនាគ» ត្រូវបានអភិសេកជាផ្លូវការណ៍នៅថ្ងៃទី១៦ ខែមេសា ឆ្នាំ២០២២នេះ ជាថ្ងៃចុងក្រោយនៃពិធីបុណ្យចូលឆ្នាំប្រពៃណីជាតិខ្មែរ។ រូបសំណាកនេះ ត្រូវបានរៀបចំនៅរង្វង់មូលព្រះថោងនាងនាគ ស្ថិតនៅភូមិគគីរ ឃុំបិតត្រាំង ស្រុកព្រៃនប់ ខេត្តព្រះសីហនុ ដែលជាចំណុចប្រសព្វគ្នារវាងមហាវិថីឆ្នេររាម និងមហាវិថីជំទាវម៉ៅ។
រហូតមកទល់ថ្ងៃនេះ រង្វល់មូលរូបសំណាក«ព្រះថោងនាងនាគ» កំពុងក្លាយជាគោលដៅទេសចរណ៍ថតរូបអនុស្សាវរីយ៍ដ៏ល្បីល្បាយ។ គេសម្គាល់ឃើញមានមហាជនខ្មែរគ្រប់វ័យ និងតារាសិល្បៈជាច្រើននាក់ បានទៅថតរូបនៅទីនោះ ដោយទឹកមុខប្រិមប្រិយ និងបង្ហាញកាយវិការគួរជាទីគយគន់ថែមទៀតផង។ ចង់ដឹងថាមានតារាល្បីណាខ្លះ តោះមកទស្សនាទាំងអស់គ្នា៖
សុគន្ធ នីសា
ឆន សុវណ្ណរាជ
សួ វិចិត្រ
ប៉ែន ចំរុង
អ៊ុន សិទ្ធា
សុខ រ៉ាស៊ី
រ៉េត ស៊ូហ្សាណា
លី ណូរ៉ា