សមាគមកីឡាបាល់ទាត់កងយោធពលខេរមភូមិន្ទ (Tiffy Army) ដែលអ្នកគាំទ្រនិយមហៅថាទ័ព ត្រៀមប្រកាសគ្រូបង្វឹកថ្មី បន្ទាប់ពីបេសកកម្មប្រកួតក្នុងលីគកំពូលកម្ពុជា Metfone Cambodian League 2021 បានត្រឹម៥ប្រកួតប៉ុណ្ណោះ។
នៅលើទំព័រហ្វេសប៊ុករបស់ក្លិបដែលមានមូលដ្ឋាននៅស្តាតចាស់មួយនេះ បានប្រកាសនៅល្ងាចថ្ងៃព្រហស្បត្តិ៍ ថានឹងធ្វើពិធីប្រកាសផ្លូវការអំពីសមាសភាព គ្រូបង្គោលថ្មី ក្នុងពេលឆាប់ៗ ខាងមុខនេះប៉ុន្តែក្លិបមិនទាន់បានប្រកាសពីការចែកផ្លូវជាមួយលោក ហោ សុខហេង ដែលជាគ្រូបង្វឹកចាស់នៅឡើយនោះទេ។
ក្រុមបាល់ទាត់កងយោធពលខេរមភូមិន្ទប្រកួតបាន៥លើកហើយដោយក្នុងនោះឈ្នះបាន២លើក ស្មើគ្នា២លើកនិងចាញ់១លើកមាន៨ពិន្ទុក្នុងដៃ និងឈរចំណាត់ថ្នាក់លេខ៤បណ្តោះអាសន្នក្នុងតារាងចំណាត់ថ្នាក់ដែលមាន១៣ក្រុម៕
