ខ្សែបម្រើការពារ កុក បូរីស កូនខ្មែរ-បារាំងរកបានគ្រាប់បាល់ទី២ របស់ខ្លួនឲ្យក្រុមបាល់ទាត់ Sarawak United ដែលជាទ្រនំថ្មីនៅលីគកំពូលម៉ាឡេស៊ី Malaysia Super League 2022។
អតីតកីឡាកររបស់ក្រុមភ្នំពេញក្រោនរូបនេះ ស្ទើតែមានឪកាសរកបាន៣គ្រាប់នៅលីគម៉ាឡេស៊ី ប៉ុន្តែរូបគេបានខកខានការទាត់បាល់ពិន័យ១១ម៉ែត្រទៅវិញនៅនាទី១៩ យ៉ាងណាមិញ កុក បូរីស លោតតែតបញ្ចូលទីយ៉ាងស្អាតនៅនាទី២២។ ក្រោយចប់ការប្រកួតក្រុមបាល់ទាត់ Sarawak United យកឈ្នះក្រុម PJ City FC ក្នុងលទ្ធផល ៣-១។
បូរី ជាកូនខ្មែរមកពីប្រទេសបារាំង ដែលវីរៈបុរសកម្ពុជាលោកគ្រូ ប៉ែន ផាត នាំមកឡង់សេនៅកម្ពុជា ចន្លោះឆ្នាំ២០១២ ហើយរូបគេជាកីឡាករមួយរូបក្នុងចំណោម៤ ដែលត្រូវបានក្លិបនៅកម្ពុជា ចុះកិច្ចសន្យាយក ដោយកាលនោះមាន ធារី ចន្ថាប៊ីន, គួច ដានី, កុក បូរីស ចូលរួមភ្នំពេញក្រោន និង ប៉ែន ស្តេហ្វេន (កូនប្រុសលោកប៉ែន ផាត) ចូលរួមក្រុមណាហ្គាវើល៕