កូរ៉េខាងត្បូង – Apartment របស់ Jimin សមាជិកក្រុម BTS ត្រូវបានរឹបអូសជាបណ្ដោះអាសន្នដោយសារតែលោកមិនបានបង់ថ្លៃធានារ៉ាប់រង ប៉ុន្តែអ្នកចាត់ការទូទៅបានពន្យល់ថាតារារូបនេះមិនដឹងពីរឿងប្រាក់បំណុលរបស់ខ្លួនឡើយ ក្រោយពេលដឹងរឿងលោកបានសងប្រាក់ជំពាក់នោះភ្លាមៗ។
សេចក្ដីប្រកាសរបស់ផលិតកម្ម Big Hit Music មានខ្លឹមសារដូចតទៅ៖ «ចំពោះបញ្ហានេះ ក្រុមហ៊ុនគឺជាអ្នកទីមួយដែលទទួលរាល់សំបុត្រទាំងអស់ដែលផ្ញើមកកាន់កន្លែងស្នាក់នៅរួមរបស់តារាក្នុងផលិតកម្ម ហើយក៏ជាអ្នកដែលយកសំបុត្រទាំងនោះទោឱ្យតារាមានការយឺតយ៉ាវ ដោយសារតែសំបុត្រមានច្រើនទើបធ្វើឱ្យមានកំហុសកើតឡើង។ មួយវិញទៀតដោយសារតែ Jimin មានការងារសម្ដែងច្រើននៅបរទេសកាលពីចុងឆ្នាំមុន ហើយក៏សុំពន្យាពេលសម្រាក និងការងារសិល្បៈជាច្រើនទៀតក្រោយពីនោះ ទើបធ្វើឱ្យគេមិនបានដឹងពីបញ្ហាប្រាក់ជំពាក់ថ្លៃបង់ធានារ៉ាប់រងនោះរហូតដល់ផុតកំណត់បង់ប្រាក់ ប៉ុន្តែក្រោយបានដឹងភ្លាម គេបានសងថ្លៃជំពាក់នោះទាំងស្រុងតែម្ដង។
សេចក្ដីប្រកាសនេះគឺដើម្បីចង់ជម្រាបជូនដំណឹងដល់ហ្វេនៗថាបញ្ហានេះបានដោះស្រាយរួចរាល់ហើយ គណៈគ្រប់គ្រងទាំងអស់ សូមអភ័យទោសដែលធ្វើឱ្យអ្នកគាំទ្រទាំងអស់ព្រួយបារម្ភ ព្រោះតែការធ្វេសប្រហែសរបស់ក្រុមការងារ។
រឿងនេះបានផ្ទុះការចាប់អារម្មណ៍នៅក្រោយពេលត្រឹមតែប៉ុន្មានថ្ងៃប៉ុណ្ណោះដែល Jimin រួមទាំងសមាជិកក្រុមរបស់លោកមានដូចជា Jungkook, V, J-Hope, Jin, RM and Suga ប្រកាសលម្អិតនិងច្បាស់ៗពីការត្រៀមបញ្ចេញបទចម្រៀងថ្មីនៅខែមិថុនាខាងមុខនេះ៕
ប្រភព៖ Insidenova
អត្ថបទទាក់ទងនឹង Jimin (BTS)
- Jimin សមាជិក BTS រកឃើញបងប្អូនប្រុសភ្លោះនៅប្រទេសថៃ?
- បុរសជនជាតិអង់គ្លេសវះកាត់កែមុខឱ្យដូច Jimin ក្រុម BTS រងការគំរាមផ្ដា.ច់ជីវិត!
