ថៃ – ថ្មីៗនេះនៅក្នុងឱកាសដែលចូលរួមក្នុងកម្មវិធី Talk Show មួយ ស្រាប់តែ បៃហ្វឺន (Baifern) បានធ្លោយមាត់ថាកញ្ញាលួចស្រលាញ់តួឯកប្រុស Train To Busan គឺប្រុសស្អាត Gong Yoo ថែមទាំងបានផ្ញើសារ Private ទៅរកប្រុសរូបនោះថែមទៀតផង។
Baifern គឺជាតារាសម្ដែងល្បីឈ្មោះរបស់ថៃដែលប្រឡូកចូលក្នុងសិល្បៈមកជាយូរ ថែមទាំងមានសមត្ថភាពសម្ដែងបានគ្រប់ទម្រង់ មិនថាសម្ដែងជាតួអង្គមានអត្តចរិតបែបណាស្រីស្រស់រូបនេះអាចចូលតួបានល្អឥតខ្ចោះ។ ប៉ុន្តែបើនិយាយដល់រឿងស្នេហា Baifern ក្រោយពីបែកបាក់ជាមួយនឹងគូស្នេហ៍មកដល់ពេលនេះ នៅតែរក្សាភាព Single មិនបើកបេះដូងសេពគប់បុរសណាម្នាក់ទោះជាមានសំឡេងពន្យុះឱ្យសេពគប់ជាមួយនឹងដៃគូសម្ដែងរឿង «Friend Zone» ជាមួយគ្នាក្ដី។
នៅក្នុងកម្មវិធីសម្ភាសន៍នោះ Baifern (បៃហ្វឺន) បានចែករំលែកឱ្យដឹងថាខ្លួនមិនចូលចិត្តប្រើប្រាស់ជីវិតបែបអភិជននោះទេ កញ្ញាមានក្ដីសុបិនចង់រៀបការនិងមានកូន។ នៅក្នុងសម្ភាសន៍នោះពិធីករបានសាកសួរកញ្ញាថា ចង់រៀបការជាមួយនឹង Gong Yoo? (តារាសម្ដែងកូរ៉េរឿង Train To Busan) ដោយចម្លើយដែលបានទទួលនោះគឺ បៃហ្វឺន បានប្រាប់ថា «ចង់តើ ចូលចិត្ត Gong Yoo» បន្ថែមពីលើនោះកញ្ញាបានប្រាប់ថាកញ្ញាធ្លាប់ផ្ញើសារឯកជនទៅរក Gong Yoo ដោយសរសេរថា «ចូលចិត្ត សរសើរ ពេលនេះខ្ញុំចេញពីធ្វើការហើយ Oppa» ខណៈដែលពាក្យ Oppa គឺជាពាក្យដែលនារីកូរ៉េនិយមប្រើហៅសង្សាររបស់ខ្លួន។ សម្រាប់ពាក្យដែលកញ្ញាផ្ញើនោះ កញ្ញាប្រាប់ថាសរសេរជាភាសាថៃ ប៉ុន្តែ Gong Yoo មិនចូលមកអាន និងមិនបានឆ្លើយតបនោះឡើយ។
ការលើកឡើងរបស់កញ្ញាខាងលើនេះ ធ្វើឱ្យប្រិយមិត្តជាអ្នកទស្សនាអស់សំណើចគ្រប់ៗគ្នាចំពោះអ្វីដែលតារាល្បីរូបនេះបានធ្វើ៕
សូមទស្សនាវីដេអូ Top News ៖
ប្រភព៖ Teenee