កូរ៉េ – កំពូល Super Star ពីរជំនាន់របស់កូរ៉េ គឺ Suga និង Psy បានសហការគ្នាផលិតបទចម្រៀងថ្មី «That That» ជាបទចម្រៀងដកស្រង់ពីអាល់ប៊ុមទី៩ របស់ Psy ដោយម្ចាស់បទ Gangnam Style បានទម្លាយពីគន្លឹះសំខាន់ដែលលោកអាចទាញ Suga ឱ្យមកផលិតចម្រៀង ថតក្នុងចម្រៀង រៀនរាំ ថែមទាំងសម្ដែងក្នុងវីដេអូបទចម្រៀងនេះថែមទៀតផង។
យោងតាមបទសម្ភាសន៍ខាងក្រោយឆាក Suga បានទម្លាយឱ្យដឹងថាខ្លួនមិនដែលសង្ឃឹមទេថាគ្រប់យ៉ាងក្លាយទៅជាបែបនេះ។ Suga បាននិយាយថា «និយាយដោយស្មោះត្រង់ទៅ ខ្ញុំមិនដែលមានឱកាសបានស្និតស្នាលជាមួយនឹងតារាចម្រៀងដែលខ្ញុំរួមសហការជាមួយគ្នានោះទេ។ ខ្ញុំមិនមែនជាប្រភេទដែលសុំជួបអ្នកណាម្នាក់ដោយផ្ទាល់ដើម្បីធ្វើការងារនោះទេ ប៉ុន្តែគាត់ (Psy) ចេះតែសុំជួបខ្ញុំ នៅពេលរួមការងារជាមួតយគ្នាពួកយើងរារែកទៅមុខទៅក្រោយរហូត។ ខ្ញុំមិនដែលរំពឹងទេថាខ្ញុំនឹងបានរាំជាមួយនឹង Psy … ខ្ញុំគ្រាន់តែគិតថាខ្ញុំត្រឹមតែសរសេរចម្រៀងឱ្យគាត់ប៉ុណ្ណោះ រួចហើយខ្ញុំនឹងដកខ្លួនចញមក»
ចំណែក Psy វិញបាននិយាយថា «ជាដំបូង ពួកយើងបានចួបគ្នា ព្រោះខ្ញុំបានឮមកថា Suga ចង់ផលិតបទចម្រៀងឱ្យខ្ញុំ ប៉ុន្តែចុងបញ្ចប់គេច្រៀងក្នុងបទចម្រៀងនោះដែរ។ ថែមពីនោះទៀតគេថែមទាំងរៀនរាំបទនោះថែមទៀត ហើយចុងបញ្ចប់គេរួមសម្ដែងក្នុងបទចម្រៀងនោះទៀត។ បន្តិចម្ដងៗ Yoon Gi កាន់តែលូកចូលជ្រៅទៅក្នុងបទចម្រៀងនោះ
បទចម្រៀងថ្មីនេះនឹងចេញផ្សាយជាសាធារណៈនៅថ្ងៃទី២៩ ខែមេសា ឆ្នាំ២០២២នេះ រួមជាមួយនឹងអាល់ប៊ុមពេញទី៩ របស់ Psy។
អត្ថបទទាក់ទងនឹង Psy៖
- ច្បាប់ការពារឆ្លងកូវីដថ្មី៖ «Gangnam Style» ត្រូវបានហាមឃាត់ចាក់នៅ GYM !
- តារាកូរ៉េ ៥រូប ដែលពាក់ព័ន្ធនឹង សារធាតុញៀន ប៊ិះនឹងអស់អនាគត!
