អាមេរិក – មហាសេដ្ឋីលំដាប់ទីមួយពិភពលោក បានចាយលុយបរិច្ចាគជំនួស Amber Heard ក្នុងរឿងក្ដី Amber Heard ប្ដឹងលែងលះ Johnny Depp តែចុងក្រោយ Amber បែរជានិយាយថាសេពគប់ Elon Musk គ្រាន់តែកែអផ្សុក ហើយសង្ឃឹមថានឹងបានត្រលប់ទៅត្រូវរ៉ូវគ្នាជាមួយនឹងអតីតស្វាមី Johnny Depp វិញ។ នេះបានហៅថាមានលុយមហាសាលតែមិនអាចបេះដូងអូនបានពិតមែន!
យោងតាមសារព័ត៌មាន Dailymail បានបង្ហើបឱ្យដឹងថា Elon Musk បានចាយលុយបរិច្ចាគក្នុងឈ្មោះ Amber Heard អស់ជិតពាក់កណ្ដាលហើយគឺប្រមាណជា ៥ម៉ឺនដុល្លារ (២០០លានរៀល) ឱ្យទៅ ACLU ព្រោះ Amber បានសន្យាថានឹងឱ្យប្រាក់កាលពី៦ឆ្នាំមុន ក្រោយបញ្ចប់ការលែងលះគ្នាជាមួយនឹង Johnny Depp ប៉ុន្តែមកដល់ពេលនេះនាងឱ្យត្រឹមតែ១.៣លានដុល្លារ ខណៈដែលក្នុងកិច្ចសន្យានាងត្រូវបង់៣.៥លានដុល្លារ។
ករណីនេះកើងឡើងដោយសារតែ Amber បានប្រកាសថាលុយដែលទទួលបានពីរឿងក្ដីលែងលះគ្នារបស់ខ្លួននឹង អង្គភាពចំនួន២ សរុប៧លានដុល្លារ ដោយបរិច្ចាគឱ្យ ACLU ចំនួន៣.៥លានដុល្លារ និងគាំទ្រដល់កិច្ចការងារផ្នែកប្រឆាំងនឹងអំពើហិង្សាចំពោះស្ត្រីចំនួន៣.៥លានដុល្លារ ដោយលុយនេះនឹងប្រគល់ទៅមន្ទីរពេទ្យកុមារនៅ Los Angeles។
បើតាមការផ្សាយរបស់កាសែត The Guardian បានផ្សាយថាយោងតាមចម្លើយរបស់អតីតអ្នកចាត់ការទូទៅរបស់ Johnny និង Amber លោក Christian បាននិយាយនៅក្នុងតុលាការកាលពីថ្ងៃទី២៧ ខែមេសា ក្នុងការពិចារណាក្ដីប្រមាថ៥០លានដុល្លារបានឱ្យដឹងថាខណៈដែល Amber Heard សេពគប់ជាមួយនឹង Elon Musk នាងបានព្យាយាមសុំត្រូវរ៉ូវគ្នាជាមួយនឹង Johnny តែក្រោយមកនាងបានចោទប្រកាន់អតីតស្វាមីថាប្រើហិង្សាក្នុងគ្រួសាររហូតឈានដល់ការលែងលះគ្នា។
នៅក្នុងបទសន្ទនាតាមឆាតរវាង Amber និង Christian នាខណៈនោះបានបង្ហាញឲ្យឃើញថា «ការសេពគប់ជាមួយនឹងសេដ្ឋី Elon Musk គឺគ្រាន់តែកំដរអផ្សុក នាងមិនបានស្រលាញ់បុរសសំបូរទ្រព្យរូបនេះឡើយ ហើយនាងថែមទាំងព្យាយាមរកវិធីត្រូវរ៉ូវគ្នាជាមួយនឆង Johnny Depp ដោយនាងធ្លាប់ទាំងនិយាយទៀតថា «ព្រះជាម្ចាស់អើយ ខ្ញុំនឹកគេខ្លាំងណាស់»៕
សូមទស្សនាវីដេអូ Big News ៖
ប្រភព: Dailymail
អត្ថបទទាក់ទង៖
- Amber Heard ជូតទឹកភ្នែកក្រោយនៅតុលាការរំលឹករងើកភ្លើងស្នេហ៍ចាស់ជាមួយមហាសេដ្ឋី Elon Musk
- ក្រោយផ្ទុះជម្លោះនឹង Johnny Depp មនុស្ស២លាននាក់ជុំវិញពិភពលោកស្នើដក Amber Heard ចេញ
- Johnny Depp ប្ដឹងបកអតីតភរិយាយក៥០លានដុល្លារ និងបដិសេធបណ្ដឹងប្រើហិង្សាលើអតីតភរិយា
