អង់គ្លេស – តារាសម្ដែងអង់គ្លេស Zara Phythian ដែលសម្ដែងជាតួអង្គអ្នកលេងសៀកនៅក្នុងរឿង Doctor Strange និងស្វាមីរបស់នាង Victor Marke កំពុងរងការចោទប្រកាន់ថារំលោភក្មេងស្រីអាយុ១៣ឆ្នាំ។
ក្មេងស្រីដែលពេលនេះបានធំដឹងក្ដីជាមនុស្សធំហើយនោះបាននិយាយថា Zara Phythian និងស្វាមី Victor Mark បានថតឈុតកំពុងតែមានសិចជុំគ្នាបីនាក់ដើម្បីបង្កើតជាវីដេអូអាសអាភាស។
នៅចំពោះមុខតុលាការ Nottingham Crown ក្មេងស្រីរូបនោះបាននិយាយថាហេតុការណ៍នេះកើតឡើងនៅចន្លោះឆ្នាំ២០០៣និងឆ្នាំ២០០៨ នៅពេលដែលអ្នកទាំងពីរធ្វើការងារជាអ្នកបង្វឹកក្បាច់គុន។ កាលណោះពួកគាត់ទាំងពីរនាក់គ្រាន់តែស្ថិតក្នុងទំនាក់ទំនងជាគូស្នេហ៍នឹងគ្នាប៉ុណ្ណោះ មិនទាន់រៀបការនោះទេ។ ក្មេងបាននិយាយថាខ្លួនទៅជួបអ្នកទាំងពីរដោយសារតែការស្រលាញ់គាំទ្រ ឬអាចនិយាយបានថាអ្នកគាំទ្រទៅជួបអាយដលរបស់ខ្លួន។
កាលណោះតារាទាំងពីរនេះ បានឱ្យក្មេងស្រីផឹកស្រារួចហើយលួងលោមដើម្បីសុំរួមរក្សជាមួយនឹងក្មេងស្រូ។ «ខ្ញុំដឹងថាមិនត្រូវនោះទេ ប៉ុន្តែខ្ញុំមិនដឹងថាត្រូវរំដោះខ្លួនឯងចេញពីស្ថានភាពនោះឬនិយាយអ្វីនោះទេ។ ខ្ញុំចាំបានថាខ្ញុំធ្លាប់ព្យាយាមធ្វើតាម Zara ព្រោះខ្ញុំគោរពតារាស្រីរូបនេះខ្លាំងណាស់កាលណោះ ហើយខ្ញុំចង់ឱ្យខ្លួនឯងដូចជាគាត់នៅគ្រប់កាលៈទេសៈ» នេះគឺជាសម្ដីរបស់ជនរងគ្រោះបាននិយាយប្រាប់ទៅតុលាការ។
ការរំលោភបំពានបែបនោះបានបន្តកើតមានចំពោះខ្លួននាងទៀត ប៉ុន្តែពួកគេបានគំរាមនាងមិនឱ្យនាងរាយការណ៍ឬប្រាប់រឿងនេះទៅនរណាមម្នាក់នោះទេ។ ប៉ុន្តែពេលនេះនាងជាមនុស្សធំហើយ ទើបនាងបានសម្រេចចិត្តប្រាប់រឿងទាំងអស់នេះទៅតុលាការ។
Zara និង Victor ត្រូវបានគេចោទប្រកាន់ ១៤ករណី ក្នុងសកម្មភាពរំលោភបំពានលើក្មេងមិនទាន់ពេញវ័យ។ ប៉ុន្តែអ្នកទាំងពីរបានបដិសេធចោលរាល់ការចោទប្រកាន់ទាំងអស់នៅក្នុងតុលាការ។
Zara Phtythian គឺជាអ្នកប្រដាល់និងជាតារាសម្ដែងដែលបានសម្ដែងនៅក្នុងភាពយន្តជាច្រើនដូចជា «Tribal Get Out Alive» «Accident Man 2» «The Hike» និង «Dragon Kingdom»៕
សូមទស្សនាវីដេអូ Top News ៖
ប្រភព៖ nld
