ក្រុមក្មេងខ្មែរ គឺជាតារាចម្រៀងដែលមានប្រជាប្រិយភាពនិងពេញនិយមខ្លាំងក្នុងស្រទាប់យុវវ័យ ហើយមានបទចម្រៀងល្បីល្បាញច្រើនបទ។ យ៉ាងណាមិញសមាជិកមួយរូបក្នុងក្រុមនេះកំពុងជួបទុក្ខជាទម្ងន់ដោយសារតែអ្នកម្ដាយដ៏មានគុណបានលាចាកលោកនេះទៅហើយ។
ជា សុជាតិ បានបង្ហោះសារលើបណ្ដាញសង្គមនៅថ្ងៃទី១២ ខែឧសភា ម្សិលមិញនេះថាអ្នកម្ដាយរបស់ខ្លួនបានលាចាកលោកនេះទៅហើយ។ អ្នកម្ដាយរបស់សុជាតិ មានឈ្មោះ អ៊ឹង សុខភាតរៈ (អ្នកគ្រូពេទ្យជុំរំ) បានទទួលមរណៈភាពដោយរាគាពាធនាវេលាម៉ោង៦.៥០នាទីល្ងាច។
ត្រយងសូមចូលរួមរំលែកទុក្ខដ៏ក្រៀមក្រំនេះជាមួយនឹងក្រុមគ្រួសាររបស់តារាចម្រៀង ជា សុជាតិ សូមបួងសួងឱ្យដួងវិញ្ញាណក្ខន្ធអ្នកម្ដាយរបស់ប្អូនបានទៅកាន់ឋានសុគតិភព៕
