តារាចម្រៀងសំនៀងផ្អែមលោក ឆន សុវណ្ណារាជ កំពុងតែធ្វើឱ្យអ្នកគាំទ្របារម្ភពីសុខភាពរបស់លោកយ៉ាងខ្លាំងបន្ទាប់ពីលោកបានចែករំលែករូបភាពគេងព្យួរសេរ៉ូម នៅលើបណ្ដាញទំនាក់ទំនងសង្គម។
នៅថ្ងៃទី១៦ ខែឧសភានេះ តារាចម្រៀងប្រចាំផលិតកម្មហង្សមាស បានបង្ហោះរូបភាពបន្តោងសេរ៉ូមព្រមទាំងរៀបរាប់ថា៖ «ទោះជាម៉ាស៊ីនក៏ចេះខូចដែរ។ ពូរាជទប់លែងជាប់ហើយ ធ្វើការហួសកម្លាំង ចូលពេទ្យបានសម្រេច។ ប៉ុន្តែ I am ok មិនធ្ងន់ធ្ងរទេ បន្តិចទៀតលែងអីហើយ»។
ទោះជាលោកបានបញ្ជាក់ថាមិនធ្ងន់ធ្ងរក្ដី ហ្វេនៗដែលជាអ្នកស្រលាញ់និងគាំទ្រលោកបានសម្ដែងក្ដីព្រួយបារម្ភចំពោះសុខភាពរបស់លោក និងជូនពរឱ្យលោកឆាប់ជាសះស្បើយ ព្រមទាំងសំណូមពរឱ្យលោកកាត់បន្ថយការងារ កុំធ្វើការហួសកម្លាំងទៀត ព្រោះតែពួកគាត់មិនចង់ឃើញលោកធ្លាក់ខ្លួនឈឺនោះឡើយ៕
