ស្រ៊ាង ស្រីនិច បេក្ខនារីប្រកួតកម្មវិធី Cambodia Idol កំពុងរងការរិះគន់កប់មាត់ពីអ្នកគាំទ្រកម្មវិធីក៏ដូចជាមហាជន ក្រោយវីដេអូឃ្លីបប្រកួត រត់ហួសឪពុកទៅឱបពិធីការិនី ថន លក្ខិណា ត្រូវបានកម្មវិធីយកមកបង្ហោះចែករំលែកនៅលើបណ្ដាញទំនាក់ទំនងសង្គម។
បេក្ខនារីប្រកួតរដូវកាលទី៤នៃកម្មវិធី Cambodia Idol របស់ទូរទស្សន៍ហង្សមាស បានឆ្លងផុតវគ្គដាក់ពាក្យតាមអនឡាញ រហូតឈានឡើងមកដល់វគ្គ Judge Audition ហើយទទួលបាន Yes រហូតដល់ទៅ៤ពីគណៈកម្មាការ (ឆន សុវណ្ណារាជ ឱក សុគន្ធកញ្ញា ផន ស្រីខួច និង ណុប បាយ៉ារិទ្ធិ)។
ក្រោយទទួលបាន Yes ដល់ទៅ៤ ពីគណៈកម្មការឱ្យបន្តទៅវគ្គបន្ទាប់ ពិតជាធ្វើឱ្យបេក្ខនារីវ័យ២០ឆ្នាំរូបនេះ រំភើបជាពន់ពេក រហូតដល់ថ្នាក់រត់ចេញមកក្រៅហើយទៅឱបពិធីការិនី រំលងហួសលោកឪពុកដែលខំប្រឹងជូនមកប្រកួត។ សកម្មភាពនេះត្រូវបានអ្នកទស្សនាថ្កោលទោសចំពោះកូនស្រីរូបនេះគ្រប់ៗគ្នា ហើយចាត់ទុកថាជាទង្វើមួយមិនគួរគប្បីទាល់តែសោះ។
«គាត់គិតថាកូនស្ទុះមករកគាត់ហេីយ បានខំលេីកដៃរត់អោប តែមិនដឹងថាទៅជាចឹងណា», «យល់ដល់ទឹកចិត្តឪពុកខ្លះផងឪពុកខំរត់ទៅឱបកូនបែរជាកូនរត់ទៅឱបអ្នកផ្សេងទៅវិញខ្ញុំហួសចិត្តនិងទង្វើបែបនេះខ្លាំងណាស់»
, «ចុះឪពុកនៅនឹងមុខហើយមិនអោប សូម្បីតែពិធីការនីក៏គាត់ស្រងាកចិត្តដែ»។
ក្រោយមានការរិះគន់យ៉ាងច្រើនពីអ្នកទស្សនា បេក្ខនារី រូបនេះបានចេញមកសុំទោសចំពោះកង្វះខាតនិងកំហុសឆ្គងដោយអចេតនារបស់ខ្លួនថា៖ «សូមជម្រាបសួរពុកម៉ែបងប្អូន នាងខ្ញុំស្រ៊ាង ស្រីនិច ដែរជាបេក្ខនារីប្រឡងចម្រៀង Cambodian Idol រដូវកាលទី4នេះ ថ្ងៃនេះដែរនាងខ្ញុំ ចង់មកសុំទោសជាសាធារណៈនូវអាប្បកិរិយាឆ្គាំឆ្គងទៅលើឪពុករបស់នាងខ្ញុំកាលពីវគ្គ Judge Audition នាងខ្ញុំពិតជាគ្មានចេតនានិងមិនបានតាំងចិត្តថានឹងធ្វើបែបនេះហើយក៏មិនចង់បង្កើតអោយមានរឿងខុសឆ្គងបែបនេះទេ ព្រោះតែនាងខ្ញុំត្រេតអរខ្លាំងពេកមិនបានមើលគ្រប់ជ្រុងជ្រោយ នាងខ្ញុំពិតជាសុំទោសពិតមែន សង្ឃឹមថាពុកម៉ែបងប្អូននឹងយោគយល់និងអភ័យទោសដល់រូបនាងខ្ញុំ។ នាងខ្ញុំក៏សូមអរគុណចំពោះពាក្យលើកទឹកចិត្តដល់រូបនាងខ្ញុំ ។សូមអរគុណ»
ទស្សនាវីដេអូទាំងស្រុង ខាងក្រោមនេះ៖