មុននេះបន្តិច លោក ណុប បាយ៉ារិទ្ធិ បានចេញមកទម្លាយរឿងមិនពេញចិត្តមួយ ព្រោះតែមានអ្នកលើកឡើងថាបទចម្រៀងខ្លួនថាជាបទចម្រៀងសម្លាប់ ឬ Killer Song ដោយលោកលើកឡើងតបវិញថាបទចម្រៀងរបស់លោកមិនពិបាកហួសពីសមត្ថភាពរបស់អ្នកដែលចេះច្រៀងនោះទេ។
តារាចម្រៀងចាស់វស្សាប្រចាំផលិតកម្ម ហង្សមាស និងជាគណៈកម្មការកម្មវិធីប្រកួតចម្រៀងលក្ខណៈអន្តរជាតិ Cambodian idol នៅថ្ងៃទី៣០ខែឧសភាឆ្នាំ២០២២នេះ បានចេញមកបង្ហោះសាររៀបរាប់យ៉ាងវែងអន្លាយដោយលើកយករឿងដែលពាក់ព័ន្ធនឹងការដែលមានអ្នកគិតថាបទចម្រៀងរបស់លោក បើសិនបេក្ខជនហ៊ានច្រៀងប្រាកដជាមានភាគរយធ្លាក់ច្រើនជាងជាប់។ ខាងក្រោមនេះគឺជាការលើកឡើងរបស់លោក ណុប បាយ៉ារិទ្ធិ នៅលើបណ្ដាញសង្គម៖
«មានមនុស្សជាច្រើនបានគិតថា ការប្រឡងចម្រៀងប្រសិនបើបេក្ខជនណាហ៊ានយកបទចម្រៀងរបស់ខ្ញុំទៅច្រៀងច្បាស់ជាធ្លាក់ ភាគរយធ្លាក់ច្រើនជាងជាប់ my songs is killer song គាត់តែងនិយាយថា បទចម្រៀងរបស់ខ្ញុំស្តាប់ស្រួល តែច្រៀងពិបាក ។ តែសម្រប់ខ្ញុំផ្ទាល់ខ្ញុំគិតថា បទចម្រៀងរបស់ខ្ញុំមិនពិបាកហួសពីសមត្ថភាពរបស់អ្នកដែលចេះច្រៀងដែរ ប្រសិនបើសមត្ថភាពពិតប្រាកដ្តមានការប្រុងប្រយ័ត្ន មិនមើលស្រាលលើបទចម្រៀងគាត់ប្រាកដក្តអាចច្រៀងបានយ៉ាងល្អ ជាក់ស្តែងដូចជាប្អូនប្រុសនី រតនា កាលពីពេលដែលគាត់ប្រឡងចម្រៀងកម្មវិធីCambodian idolគាត់ច្រៀងបទរបស់ខ្ញុំ «ស្រលាញ់អូនមិនខ្វល់ពីអារម្មណ៍អ្នកដ៏ទៃ» គាតច្រលងបានយ៉ាងពិរោះ ហើយល្អថែមទៀត គាត់នៅតែបន្តរដំណើរទៅមុខដោយជោគជ័យ នោះហើយដែលបង្ហាញថាគាត់មានសមត្ថភាពគ្រប់គ្រាន់ អាចច្តៀងបានគ្រប់បទចម្រៀងរបស់អ្នកចំរៀងផ្សេងៗ និងអាចច្រៀងបានគ្រប់ទំរង់នៃបទចម្រៀង ។ ដូច្នេះមិនស្ថិតនៅត្រង់ថាច្រៀងបទរបស់អ្នកចម្រៀងណាទេ អោយតែដឹងច្បាស់ថាបទនោះសក្តិសមនិងសម្លេងរបស់យើងឬអត់ លើសពីសមត្ថភាពពេកឬអត់ បើគិតថាអាចធ្វើបាន ប្រឹងប្រែងបន្ថែមច្បាស់ជាអាចធ្វើបានយ៉ាងល្អ៕»
ការលើកឡើងរបស់តារាចម្រៀងរូបនេះត្រូវបានអ្នកគាំទ្រលោកយល់ស្របទាំងស្រុង ដោយអ្នកគាំទ្រ និងយល់ស្របដូចអ្វីដែល លោក ណុប បាយ៉ារិទ្ធ បាននិយាយថាពិតជាមិនខុសនោះឡើយ ជាពិសេសមហាជនបានលើកយកបទចម្រៀងល្បីៗរបស់លោកមកធ្វើជាទកល្ហីករណ៍ដូចជាបទ «យូរយ៉ាងណាក៏ចាំ» «ឃុំចិត្ត» និងបទ «យើងជាអ្នកស្រែ ត្រូវជឿអ្នកស្រែដូចគ្នា» ជាដើម៕
អត្ថបទពាក់ព័ន្ធ ណុប បាយ៉ារិទ្ធិ៖
- ណុប បាយ៉ារិទ្ធិ ក្ដៅស្លឹកត្រចៀកប្រកាសវែកមុខគណនីហ្វេសប៊ុកមួយជេរ លោក ខ្ទើយលាក់មុខ!
- តារាចម្រៀង ណុប បាយ៉ារិទ្ធិ មិនទ្រាំស្ងៀម តបតភ្លាមៗ នឹងអ្នករិះគន់លោកករណីជំងឺកូវីដ-១៩!
- អាណិត ជួប ស្រីកែវ ត្រូវគេបន្តុះបង្អាប់លេងសើចរឿងមាឌធាត់ធំពេក ហ្វេនឈឺឆ្អាល រហូតដល់ ណុប បាយ៉ារិទ្ធិ អត់ទ្រាំលែងបាន
- ណុប បាយ៉ារិទ្ធិ៖ សម្រេចក្ដីស្រមៃក្លាយជាអ្នកនិពន្ធដូចម្ដាយតាមរយៈស្នាដៃរឿងខ្លី «បេះដូងមនុស្សស្រី»
