នៅល្ងាចថ្ងៃទី៩ ខែមិថុនា ឆ្នាំ២០២២ ក្លិបបាល់ទាត់បឹងកេត បានប្រកាសថាខ្សែបម្រើ លឹម អារុណរ៉េយមិន នឹងត្រូវបានផ្លាស់ទៅកាន់ ក្លិបបាល់ទាត់គិរីវង់សុខសែនជ័យ ក្នុងលក្ខខណ្ឌខ្ចីជើង រហូតដល់ចប់រដូវកាល ២០២២នេះ។
ខ្សែបម្រើកូនកាត់ខ្មែរ-នូវែលសេឡង់ វ័យ១៨ឆ្នាំ និងមានកម្ពស់រហូតដល់១,៨០ម៉ែត្ររូបនេះ ក៏ត្រូវបាន Koji Gyotoku គ្រូបង្វឹកក្រុមជម្រើសជាតិអាយុក្រោម១៩ឆ្នាំ កោះហៅចូលការធ្វើតេស្តទាំងដំណាក់កាលទី១ និងទី២ ដើម្បីត្រៀមជម្រើសរើសចូលរួមការប្រកួតពានរង្វាន់ AFF U19 Championship 2022 ដែលប្រទេសឥណ្ឌូនេស៊ីទទួលធ្វើជាម្ចាស់ផ្ទះ៕