យោងតាមការបញ្ជាក់របស់សហព័ន្ធកីឡាបាល់ទាត់ឥណ្ឌូនេស៊ី (PSSI) បានឲ្យដឹងថាលោក SHIN TAE YONG នឹងដឹកនាំក្រុមឥណ្ឌូនេស៊ី ក្នុងព្រឹត្តិការណ៍យុវជនអាស៊ីអាគ្នេយ៍អាយុក្រោម១៩ឆ្នាំ AFF U19 Championship 2022 ដែលឥណ្ឌូនេស៊ីធ្វើជាម្ចាស់ផ្ទះ។
ក្រុមយុវជនអាយុក្រោម១៩ឆ្នាំ របស់ប្រទេសឥណ្ឌូនេស៊ី ស្ថិតនៅពូល A សំបូរទៅដោយជើងខ្លាំងៗជាច្រើនដូចជាប្រទេសមីយ៉ាន់ម៉ា, វៀតណាម, ថៃ, ប្រ៊ុយណេ និង ហ្វីលីពីន ខណ:កម្ពុជា ស្ថិតនៅពូល B ជាមួយ ម៉ាឡេស៊ី, ឡាវ, ទីម័រខាងកើត និងសិង្ហបុរី។
បច្ចុប្បន្នកម្ពុជា ក្រោមការដឹកនាំរបស់លោក Koji Gyotoku បានកោះហៅយុវជនចំនួន២៩នាក់ ដើម្បីហ្វឹកហាត់ចំនួន៣លើក មុនជម្រុះត្រឹម ២៣នាក់ចុងក្រោយ ដើម្បីចេញទៅប្រកួតនៅឥណ្ឌូនេស៊ី ដែលគ្រោងនឹងចាប់ផ្តើមចប់ពីថ្ងៃទី០២ ដល់ថ្ងៃទី១៥ នៅខែកក្កដា ឆ្នាំ២០២២៕