កញ្ញា ហាស់ឌី ជូលីន គឺជាតារាសម្ដែងស្រីទី២ហើយ ដែលប្រកាសដកខ្លួនចេញពីការប្រកួត Miss Grand Cambodia 2022 បន្ទាប់ស្រីស្អាត អៀ ម៉េងលិ ហៅ អូនម៉ី ទើបតែបញ្ជាក់ថាខកខានក្នុងការប្រកួតនេះដែរ។
កញ្ញា ហាស់ឌី ជូលីន បានបង្ហោះសារនៅលើហ្វេសប៊ុករបស់នាងថា ៖ « នាងខ្ញុំឈ្មោះ ហាស់ឌី ជូលីន ហៅផ្កាយ នាងខ្ញុំបានដកពាក្យពីការប្រលង Miss Grand Cambodia ហេីយ ដោយនាងខ្ញុំមានបញ្ហាផ្ទាល់ខ្លួនជាចាំបាត់ នាងខ្ញុំសុំអគុណ🙏🏻»។
សូមជម្រាបដែរថា រហូតមកទល់ពេលនេះ មានបេក្ខភាពបវរកញ្ញា Miss Grand Cambodia 2022 ចំនួន ៣ រូបហើយដែលបានដកខ្លួនចេញពីការប្រកួត ហើយបេសកកម្មស្វែងរកកញ្ញាឯកដ៏អស្ចារ្យនៃកម្ពុជាឆ្នាំ 2022 នេះ
នឹងឈប់ទទួលពាក្យថ្ងៃទី 15 ខែ កក្កដា ឆ្នាំ 2022 វេលាម៉ោង 5 ល្ងាច៕