ថ្មីៗនេះបងស្រី សៀវឡុងនី ដែលកំពុងតែល្បីនៅក្នុង TikTok បានចេញមុខបកនិយាយនៅក្នុងវីដេអូខ្លីថា បងស្រីពិតជារំភើបដែលបានទទួលប្រាក់ឧត្ថម្ភចំនួន ២៥០០ ដុល្លារពីសម្ដេចនាយករដ្ឋមន្ត្រី ហ៊ុន សែន និងសម្ដេចគិតព្រឹទ្ធបណ្ឌិត ប៊ុន រ៉ានី ហ៊ុនសែន ទុកសម្រាប់សម្រាលកូនក្នុងផ្ទៃ។
បងស្រី សៀវឡុងនី បានលើកឡើងថា ដំបូងឡើយបងស្រីមិនបានដឹងខ្លួនមុនទេថា នឹងបានទទួលការសណ្ដោសប្រណីតអាណិតពីថ្នាក់ដឹកនាំប្រទេសបែបនេះ។ បងស្រីបន្តថា ដំបូងឡើយគឺមានប្អូនប្រុសម្នាក់បានទាក់ទងមកសុំលេខទូរស័ព្ទ ក៏ប៉ុន្តែមិនបានចាប់អារម្មណ៍ថាហៅមកទទួលប្រាក់ឧត្ថម្ភនេះទេ គឺនឹកស្មានថានឹងមានការងារថ្មីតែប៉ុណ្ណោះ។
បងស្រី សៀវឡុងនី បានសម្ដែងការដឹងគុណ ទាំងមានអារម្មណ៍ក្ដុកក្តួល និងគោរពជូនពរ សម្ដេចនាយករដ្ឋមន្ត្រី ហ៊ុន សែន និងសម្ដេចគិតព្រឹទ្ធបណ្ឌិត ប៊ុន រ៉ានី ហ៊ុនសែន ទទួលបានសុខភាពល្អបរិបូរណ៍ក្នុងការដឹកនាំប្រទេសជាតិបន្តទៀត។
សព្វថ្ងៃនេះ ក្រៅពីថតវីដេអូកំប្លែងនៅលើបណ្ដាញសង្គម TikTok បងស្រី សៀវឡុងនី ប្រកបអាជីពអ្នកលក់ការ៉េម និងលក់សាច់អាំងដែលមានការគាំទ្រយ៉ាងភ្លូកទឹកភ្លូកដី៕
សូមទស្សនាវីដេអូនេះ ៖