Thursday, December 8 Login

គណៈកម្មការ​ប្រកួត​បាល់ទាត់ជាតិ​កម្ពុជា (CNCC) បានប្រកាស​ចាប់​ដៃគូ​ជាមួយ​ក្រុមហ៊ុន​សម្ភារៈ​កីឡា Forward Sportswear រៀបចំ​ព្រឹត្តិការណ៍​ពានរង្វាន់​បាល់ទាត់​ថ្មី​មួយ​ទៀត​ឈ្មោះ​ថា CNCC League Cup 2021 នៅ​អំឡុង​ពេល​លីគ​កំពូល​កម្ពុជា Metfone Cambodian League 2021 កំពុង​តែ​សម្រាក​ ព្រោះ​កីឡាករ​ល្អៗ​កោះហៅ​ចូលរួម​ក្រុម​ជម្រើស​ជាតិ​ចេញ​ទៅ​ប្រកួត​ជម្រុះ FIFA World Cup។

អត្ថបទពាក់ព័ន្ធ៖CNCC គ្រោង​បង្កើត​ពាន League Cup ខណៈ Forward ជា​ម្ចាស់​ឧបត្ថម្ភ​ធំ

បើតាម​ការ​ចេញ​ផ្សាយ​របស់​ក្លិប​បាល់ទាត់​វិសាខា នៅ​លើ Application របស់​ខ្លួន​បញ្ជាក់​ថា​ពានរង្វាន់​​នេះ​មាន​ក្រុម​ចូលរួម​ចំនួន​៨ រួម​មាន​វិសាខា ព្រះខ័នរាជស្វាយរៀង ខេត្ត​ព្រៃវែង ភ្នំពេញក្រោន បឹងកេត កងយោធពលខេមរភូមិន្ទ គីរីវង់សុខសែនជ័យ និង​ក្រុម​យុវជន​សាលា​បាល់ទាត់​ជាតិ​បាទី។

តាម​ផែនការ​​ប្រកួត​នេះ​ធ្វើ​ឡើង​ពី​ថ្ងៃ​ទី៥ ដល់​២៧ ខែ​មិថុនា ឆ្នាំ​២០២១ ដោយ​ក្រុមដែល​ចូលរួម​ត្រូវ​​បែងចែក​ជា​២ពូល (១ពូល​មាន​៤ក្រុម) ដោយ​ប្រើ​រូបមន្ត​ប្រកួត Home/Away (ក្នុងដី​និង​ក្រៅដី) តែ​១ជើង​ប៉ុណ្ណោះ ហើយ​ក្រុម​ចំណាត់ថ្នាក់​លេខ១​និង​លេខ២​តាម​ពូល​មាន​ឈ្មោះ​ឡើង​ទៅ​លេង​វគ្គ​ពាក់កណ្ដាល​ផ្ដាច់ព្រ័ត្រ និង​ក្រុម​ឈ្នះ​បន្ត​ឡើង​ទៅ​ប្រកួត​វគ្គ​ផ្ដាច់ព្រ័ត្រ៕

Telegram-Troryorng
Share.

Leave A Reply