យោងការបញ្ជាក់របស់ សមាគមកីឡាបាល់ទះនគរបាលខេត្តតាកែវ បានឲ្យដឹងថា៖«ក្លិបកីឡាបាល់ទះខេត្តតាកែវ ត្រៀមបេសកកម្មថ្មី ដោយធ្វើដំណើរឆ្ពោះទៅប្រទេសវៀតណាម ដើម្បីចូលរួមការប្រកួតពានរង្វាន់កីឡាបាល់ទះមិត្តភាព ឆ្នាំ២០២២»។
ការប្រកួតនឹងចាប់ផ្តើមថ្ងៃទី២៩ ខែកក្កដា ឆ្នាំ២០២២ នៅទីក្រុងចូវដុក ខេត្តអានយ៉ាង ប្រទេសវៀតណាម ខណ:ការប្រកួតក៏មានការឡាយផ្ទាល់នៅលើផេក«សមាគមកីឡានគរបាលខេត្តតាកែវ»ផងដែរ។
គួរដឹងថានៅពានរង្វាន់បាល់ទះសម្តេចក្រឡាហោម ស ខេង ឆ្នាំ ២០២២ ក្រុមបាល់ទះសមាគមកីឡាបាល់ទះខេត្តតាកែវ ទទួលបានចំណាត់ថ្នាក់លេខ៤ បន្ទាប់ពីចាញ់ សៀមរាប ៣សិត ទល់នឹង២សិត (២៥-២០,២៤-២៦,២៥-២២,២៤-២៦,១៣-១៥) វគ្គពាក់កណ្តាលផ្ដាច់ព្រ័ត្ត៕
