ក្លិបបាល់ទាត់ Lion City Sailors សមាជិកពានរង្វាន់លីគប្រទេសសិង្ហបុរី ប្រកាសតែងតាំងគ្រូបង្វឹកថ្មីលោក Luka Lalić ជនជាតិស៊ែប៊ី វ័យត្រឹមតែ៣៥ឆ្នាំប៉ុណ្ណោះ ក្រោយចែកផ្លូវជាមួយលោក Kim Do-hoon គ្រូបង្វឹកសញ្ជាតិកូរ៉េខាងត្បូង។
ស្ថិតនៅវ័យ៣៥ឆ្នាំ ប៉ុន្តែលោក Luka Lalić ធ្លាប់ជា៖
– ឆ្នាំ ២០០៨ គ្រូបង្វឹកស្ម័គ្រចិត្តរបស់ក្លិប FK Partizan នៅប្រទេសស៊ែប៊ី
– ឆ្នាំ ២០១១ គ្រូកាយសម្បទារបស់ក្លិប Balestier Khalsa FC នៅប្រទេសសិង្ហបុរី
– ឆ្នាំ ២០១៣ គ្រូជំនួយរបស់ក្លិប Woodlands Wellington FC នៅប្រទេសសិង្ហបុរី
– ឆ្នាំ ២០១៦ គ្រូបង្វឹកថ្នាលយុវជនរបស់ក្លិប Feyenoord របស់ប្រទេសហូឡង់
– ឆ្នាំ ២០២០ ជានាយកអភិវឌ្ឍយុវជនរបស់ក្លិប Lion City Sailors របស់ប្រទេសសិង្ហបុរី។
គួរដឹងថាក្លិបបាល់ទាត់ Lion City Sailors FC កាលពីមុនមានឈ្មោះថា Home United ប៉ុន្តែក្រោយពេលមហាសេដ្ឋី Forrest Li សម្រេចចិត្តទិញភាគហ៊ុនក្លិបនេះរួចក៏ផ្លាស់ប្តូរឈ្មោះតែម្តងទៅ។ ក្រុមនេះបានសម្រេចចិត្តនាំយកគ្រូបង្វឹកជនជាតិកូរ៉េខាងត្បូង Kim Do-Hoon ដែលធ្លាប់ឈ្នះពានរង្វាន់ AFC Champion League មកដឹកនាំក្រុម ព្រមទាំងនាំយកកីឡាករល្អៗជាច្រើនចូលរួមក្រុមផងដែរ៕