ក្រុមបាល់ទាត់ហ្វូតសាលរបស់ថៃ ត្រៀមចូលរួមប្រកួតក្នុងពានរង្វាន់ Continental Futsal Championship 2022 នៅពាក់កណ្ដាលខែកញ្ញា នេះ ដើម្បីជាការត្រៀមខ្លួនចូលរួមប្រកួតជើងឯកប្រចាំទ្វីបអាស៊ី AFC Futsal Championship 2022 នៅចុងខែកញ្ញា ខាងមុខ។
ពានរង្វាន់ Continental Futsal Championship 2022 នឹងប្រព្រឹត្តទៅនៅថ្ងៃទី១១ ដល់ថ្ងៃទី១៦ ខែកញ្ញា ឆ្នាំ 2022 នៅប្រទេសថៃ ស្របពេលម្ចាស់ផ្ទះថៃត្រូវបានចាប់ប៉ះចំក្នុងពូល A ដែលម៉ារ៉ុក និងម៉ូសំប៊ិក ហើយពូល B មាន អ៊ីរ៉ង់ ហ្វាំងឡង់ និង វៀតណាម។
ចំណែកពានរង្វាន់ AFC Futsal Championship 2022 វិញគឺប្រទេសថៃស្ថិតក្នុងពូល A ដែលត្រូវប៉ះជាមួយប្រទេសគុយវ៉ែត អ៊ីរ៉ាក់ និងអូម៉ង់ ចំណែកក្រុមតំបន់អាស៊ាន មួយទៀតគឺវៀតណាមស្ថិតក្នុងពូល D ជាមួយជប៉ុន កូរ៉េខាងត្បូង និងអារ៉ាប៊ីសាអូឌីត៕