យោងតាមការកម្មវិធីព័ត៌មានពេលថ្ងៃរបស់ស្ថានីយទូរទស្សន៍ប៉ុស្តិ៍លេខ៣ បានចេញមកនិយាយពីករណីដែលមានផេកមួយបានផ្សព្វផ្សាយថាតារាសម្ដែងកុងត្រាក្នុងស្ថានីយខ្លួន មានពាក់ព័ន្ធនឹងការបណ្ដាក់ទុនអនឡាញ។តារារូបនោះគឺជាមេក្រុម និងមានសមាជិកដែលជាកូនក្រុមចំនួន៦០នាក់ ដោយតារាម្នាក់នោះគឺ ក្រាក់ថិងខុន ណារ៉ុង។
ពិធីករ ណុម កាន់ឆ័យបាននិយាយថា ផេកខាងលើបានប្រាប់ឱ្យកម្មវិធីព័ត៌មានអញ្ជើញ ក្រាក់ថិង មកសម្ភាសន៍ និងបកស្រាយឱ្យច្បាស់លាស់ថាមានពាក់ព័ន្ធនឹងករណីខាងលើនេះទេ បើមិនដូច្នោះទេ នឹងដំណើរការតាមនីតិវិធី។ កម្មវិធីបានទាក់ទងទៅតារារូបនេះដើម្បីឱ្យចូលមកផ្ដល់សម្ភាស ប៉ុន្តែដោយមានភារកិច្ចទើបមិនអាចមកចូលរួមបាន។
តារាប្រុសសង្ហារូបនេះកំពុងតែមានឈ្មោះបោះសំឡេងខ្លាំងព្រោះ ខណៈនេះរឿងដែលគេសម្ដែងចំនួន ២រឿងកំពុងចាក់បញ្ចាំងនៅលើស្ថានីយទូរទស្សន៍ ប៉ុស្ដិ៍លេខ៣។
ពិធីករបានលើកឡើងថាករណីនេះ គណៈគ្រប់គ្រងរបស់ប៉ុស្ដិ៍លេខ៣ បានបញ្ជាក់ហើយថា បើសិនជាតារាកុងត្រារបស់ខ្លួនពិតជាប្រព្រឹតិ្តខុសមែន និងមានចំណាត់ការដាច់ខាតគឹបណ្ដេញចេញពីស្ថានីយ៍ ប៉ុន្តែត្រូវរងចាំឱ្យសាមីខ្លួនចេញមកនិយាយសិនថារឿងនេះ ពិតឬមិនពិត។ ក្នុងនោះដែរ គេកំពុងតែរង់ចាំមើលថាតើតារាសម្ដែងវ័យក្មេង មានសេចក្ដីក្លាហានហ៊ានដើរទៅរក DSI និងក្រសួងយុត្តិធម៌ដោយខ្លួនឯង ហើយឱ្យគេត្រួតពិនិត្យលំហូរសាច់ប្រាក់ក្នុងបញ្ជីរបស់ខ្លួនឬក៏អត់?
ខណៈដែលគណៈគ្រប់គ្រងស្ថានីយនឹងត្រៀមធ្វើដំណើរទៅកាន់ក្រសួងយុត្តិធម៌ដើម្បីជូនលិខិតបញ្ជាក់ទាក់ទងនឹងករណីនេះ ហើយក៏រង់ចាំមើលដែរថាតើក្រាក់ថិងហ៊ានចេញមុខឬអត់?
