បន្ទាប់ពីតេស្តកម្លាំងអំណត់ (30-15IFT) ដោយតម្រូវឱ្យកីឡាកររត់ចាប់ពី ២០.៥ គីឡូម៉ែត្រ/១ម៉ោងឡើងទៅ ទីបំផុតក្រុមជម្រើសជាតិកម្ពុជា ក្រោមការដឹកនាំរបស់លោក Keisuke Honda ចម្រាញ់បានឈុត U23 ២២នាក់ និងឈុតធំ ២៤នាក់។
តើកីឡាករដែលមានឈ្មោះក្នុងបញ្ជីសុទ្ធតែជាប់ការធ្វើតេស្ត ហើយកីឡាករអវត្តមានក្នុងបញ្ជីសុទ្ធតែធ្លាក់ពីការធ្វើតេស្ត?
ជុំវិញអវត្តមានកីឡាករល្បីឈ្មោះមួយចំនួនក្នុងបញ្ជីក្រុមជម្រើសជាតិកម្ពុជា លោកលោក ឈូក ពិសិដ្ឋ អ្នកចាត់ការក្រុមជម្រើសជាតិកម្ពុជា បានប្រាប់មកកាន់ក្រុមការងារសារព័ត៌មានត្រយង តាមសារអេឡិកត្រូនិក ជាសំលេងថា៖
សូមបញ្ជាក់ថាទាំងក្រុមជម្រើសជាតិឈុតធំ និងឈុតយុវជនក្រោមអាយុ២៣ឆ្នាំ ធ្វើតេស្តបិទទ្វានៅពហុកីឡដ្ឋានជាតិមរតតេជោ ក្នុងរាជធានីភ្នំពេញ នៅថ្ងៃអង្គារ សប្ដាហ៍នេះពោលគឺ២ថ្ងៃមុនការប្រមូលផ្តុំ។ ការធ្វើតេស្តផ្តោតលើកម្លាំងកាយទម្រង់ 30-15IFT ដែលតម្រូវឱ្យកីឡាកររត់ចាប់ពី ២០.៥ គីឡូម៉ែត្រ/១ម៉ោងឡើងទៅ។
សម្រាប់ក្រុមបាល់ទាត់ជម្រើសជាតិកម្ពុជា អាយុក្រោម២៣ឆ្នាំ កម្ពុជានឹងប្រកួតមិត្តភាពអន្តរជាតិ ជាមួយក្រុមបាល់ទាត់ជម្រើសជាតិជប៉ុន អាយុក្រោម២៣ឆ្នាំ នៅវេលាម៉ោង៧យប់ថ្ងៃទី២០ខែកញ្ញាឆ្នាំ២០២២ នៅទីលានពហុកីឡដ្ឋានជាតិមរតេជោ។ នេះជាការត្រៀមដ៏សំខាន់មួយដើម្បីដកស្រងបទពិសោធន៍ ហើយក៏ជាលើកដំបូងសម្រាប់ U-23 កម្ពុជា ដែលត្រលប់មកមានប្រកួតឡើងវិញ បន្ទាប់ពីបានបញ្ចប់បេសកកម្មក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២១ (លើកមកប្រកួតឆ្នាំ២០២២) នៅប្រទេសវៀតណាម កាលពីខែឧសភាកន្លងទៅ។
សម្រាប់បញ្ជីរាយនាមកីឡាករជម្រើសជាតិកម្ពុជាអាយុក្រោម២៣ឆ្នាំក្រោយតេស្ត30-15IFT មាន៖
ក្រុមយុវជនក្រោមអាយុ២៣ឆ្នាំ ត្រូវបានសហព័ន្ធកីឡាបាល់ទាត់កម្ពុជា កោះហៅដំបូងចំនួន៣៥នាក់ ដោយជម្រុះយកតែ២២នាក់ប៉ុណ្ណោះ ហើយកីឡាករដែលបាត់ឈ្មោះពីបញ្ជីវិញមាន ស៊ុំ សាន់, ឈឿង វីនុន, សៀន សុភក្រ្តា, កែវ ឧត្តម, ញឹម លីហួរ, ឈុំ សុខហៃ, ណាត សង្ហា, ញាន សុស៊ីដាន, សារី តៃម៉ូ, អេម ផលនិត, នី មូស្តាហ្វា, ហ៊ត ឈិនជិន, សឿត ណាវ៉ា, ភេម តៅសិញ។
ងាកមកមើលក្រុមជម្រើសជាតិកម្ពុជាឈុតធំ វិញនឹងប្រកួតមិត្តភាពអន្តរជាតិ ទល់នឹងក្រុមជម្រើសជាតិបង់ក្លាដែស នៅវេលាម៉ោង៧យប់ ថ្ងៃទី២២ ខែកញ្ញា ឆ្នាំ២០២២ នៅពហុកីឡដ្ឋានមរតកតេជោ។
សម្រាប់បញ្ជីរាយនាមកីឡាករជម្រើសជាតិកម្ពុជាឈុតធំក្រោយធ្វើតេស្ត 30-15IFT មាន៖
ដំបូងឡើយកីឡាករដែលមានឈ្មោះក្នុងបញ្ជីជម្រើសជាតិកម្ពុជា ឈុតធំបឋមសរុបមានរហូតដល់ទៅ ៤០នាក់ ខណៈមានតែកីឡាករម្នាក់ប៉ុណ្ណោះមកពីសហរដ្ឋអាមេរិក គឺ Nick Taylor អនុញ្ញាតិឱ្យជាប់តេស្តដោយស្វ័យប្រវត្តិ ក្រោយមានបញ្ហាប្រឈមមួយចំនួនរវាងក្រុមនិងជម្រើសជាតិ ប្រមូលផ្តុំខុសថ្ងៃ FIFA Day។
ក្នុងចំណោម៤០នាក់ មានកីឡាករ២៤នាក់ស្ថិតក្នុងបញ្ជីចុងក្រោយ ខណៈកីឡាករ ១៦នាក់ទៀតបាត់មុខពីបញ្ជីមាន ទេស សម្បត្តិ, កែវ សុខផេង, ប៊ិន ចន្ថាធារី, កែន ច័ន្ទសុភក្តិ , ច្រឹង ពលរដ្ឋ, ទៀត គីមហេង, សុះ ស៊ូហាណា, គួច សុគម្ភះ, សាន គឹមហេង, សេត រ៉ស៊ីប, ជា វេសលី, ឱ ភារុណ, ណារ៉ុង កក្កដា, អ៊ឹម សំអូន, យ៉ើ ម៉ូស្លីម, អ៊ន ចាន់ប៉ូលីន, ឡុង ភារ៉ាត់, ជា ច័ន្ទដារ៉ា, ផាច សុជាវីឡា, ឈួត សិនទៀង, ណុប ដេវីត, ចន្ថា ចន្ធាកា, ឈឿង វិស៊ីនុ។
តើបទពិសោធន៍ថ្មីនៃការផ្តោតលើកម្លាំងអំណត់ (30-15IFT) នឹងជួយឱ្យលទ្ធផលរបស់ក្រុមជម្រើសជាតិកម្ពុជា និងក្រុមយុវជនក្រោមអាយុ២៣ឆ្នាំ កម្ពុជា ទទួលបានលទ្ធផលល្អកម្រិតណា?