ផលិតកម្ម យឺហួរ អ៊ិនធឺថិនមិន ចេញមុខបដិសេធការពារ Wang Yibo ថា អត់មានពាក់ព័ន្ធនឹង Li Yifeng ករណីទិញសេវាកម្មផ្លូវភេទ ព្រមទាំងគំរាមប្ដឹងអ្នកហ៊ានផ្សាយដំណឹងនេះថែមទៀតផង។
តារាសម្ដែងរូបសង្ហា Wang Yibo ដែលមហាជនបានស្គាល់តាមរយៈការសម្ដែងរឿងភាគចិនបុរាណល្បីល្បាញជាច្រើនរឿងនោះ មានជាប់ឈ្មោះពាក់ព័ន្ធនឹងករណីទិញសេវាផ្លូវភេទរបស់តារាសម្ដែងរៀមច្បង Li Yifeng ដែលត្រូវសមត្ថកិច្ចចាប់ឃាត់ខ្លួនបានថាលួចទិញសេវាកម្មផ្លូវភេទ។ ការប្រើប្រាស់ ឬទិញសេវាកម្មផ្លូវភេទនៅក្នុងប្រទេសចិនត្រូវបានច្បាប់ប្រទេសនេះចែងថាជាកាប្រព្រឹត្តិបទល្មើសធ្ងន់ធ្ងរ។
ក្រោយផ្ទុះរឿងអាស្រូវផ្លូវភេទហើយមានជាប់ពាក់ព័ន្ធដល់ឈ្មោះតារាក្នុងផលិតកម្មខ្លួនភា្លម Yue Hua Entertainment បានប្រញាប់ចេញសេចក្ដីប្រកាសបដិសេធចំពោះដំណឹងនេះនៅលើគណនី Weibo របស់ផលិតកម្មភ្លាមៗថា៖ «កំពុងតែដំណើរការតាមនីតិវិធីដើម្បីចាត់ការក្រុមមនុស្សដែលព្យាយាមបញ្ចេញដំំណឹងក្លែងក្លាយចោទប្រកាន់ថា Wang Yibo លួចទិញសេវាកម្មផ្លូវភេទ។
ផលិតកម្មនេះបានបញ្ជាក់ថាតារារបស់ខ្លួនមិនមានទំនាក់ទំនងឬស្គាល់គ្នាជាមួយនឹង Li Yifeng នោះទេ។ ផលិតកម្មបានសង្កត់ផងដែរថា ខាងផលិតកម្មបានដាក់ពាក្យប្ដឹងទៅស្ថានីយប៉ូលិសរួចរាល់ ហើយកំពុងដំណើរការរៀបចំក្រុមអ្នកច្បាប់ដើម្បីចាត់ការមនុស្សដែលផ្សព្វផ្សាយបណ្ដាលឱ្យកេរ្តិ៍ឈ្មោះ និងកិត្តិយស Wang Yibo ខូចខាតផងដដែរ៕
