តារាសម្ដែងរូបសង្ហាពីភាពយន្តភាគជាស៊េរី High School បានរអិលដួលបោកចង្កាទៅនឹងអាងទឹកផុស ប៊ិះស្លាប់ព្រោះតែលោកបានពាក់ស្រោមជើងរត់ នៅក្នុងហេតុការណ៍នេះបានបណ្ដាលឱ្យលោករងរបួសជាច្រើនកន្លែង។
នៅក្នុងកម្មវិធីសម្ភាសន៍មួយថ្មីៗនេះ តារាសម្ដែងរូបសង្ហាបានឱ្យដឹងថាហេតុការណ៍ដួលដែលធ្វើឱ្យលោកប៊ិះនឹងស្លាប់កាលពីឆ្នាំ២០១៣នោះ ថ្វីត្បិតតែលោករងរបួសច្រើនមែនតែលោកមិនបានវះកាត់កែសម្ផស្សនោះទេ។ ការដែលតារារូបនេះលើកយករឿងចាស់នេះ និយាយរឿងនេះឡើងវិញនោះ ដោយសារតែមានលេចចេញនូវដំណឹងចចាមអារ៉ាមថាតារាប្រុសរូបនេះវះកាត់ផ្លាស់ប្ដូរចង្កា ក្រោយលោកបានបង្ហាញវត្តមានក្នុងវីដេអូ Earth Day កាលពីឆ្នាំមុន។ Zac បានដឹងដំណឹងចចាមអារ៉ាមនេះតាមម្ដាយរបស់លោក ក្រោយដឹងភ្លាមលោកមិនបានបណ្ដោយឱ្យព័ត៌មាននេះស្ងប់ស្ងាត់ដោយមិនបកស្រាយអ្វីនោះឡើយ។ លោកបានប្រាប់សារព័ត៌មាន Entertainment tonight ថា «ម៉ាក់ខ្ញុំបានប្រាប់រឿងនេះដល់ខ្ញុំ។ ខ្ញុំមិនដែលអានព័ត៌មានលើអ៊ិនធឺណិតនោះទេ ព្រោះខ្ញុំជាមនុស្សដែលមិនសូវខ្វល់»
ខណៈដែល Zac មិនខ្វល់ពីពាក្យចចាមអារ៉ាម ចំណែកនៅលើអ៊ិនធឺណិតឯណោះវិញកាន់តែពុះកញ្ធ្រោលក្នុងការស្វែងរកថាតើមានអ្វីកើតឡើងចំពោះចង្ការបស់តារារូបសង្ហានេះ។
កាលពីឆ្នាំ២០១៣ លោកបានរអិលដួលបុកចង្កាទៅនឹងអាងទឹកផុសបណ្ដាលឱ្យសន្លប់ស្ដូកស្ដឹង ហើយនៅក្នុងហេតុការណ៍នោះដែរ ឆ្អឹងថ្គាមរបស់របូតចញពីគ្នា។ លោកត្រូវបានគ្រូពេទ្យចង់ឆ្អឹងថ្គាមនឹងខ្សែលួសរួចទើបឆ្អឹងចង្ការបស់ជាឡើងវិញ យ៉ាងមិញលោកបាននិយាយថា៖ «លំបាកណាស់។ខ្ញុំស្ទើរស្លាប់ តែពេលនេះលែងអីហើយ»។ ក្រោយពេលដែលថ្គាមរបស់លោកបានជះសះស្បើយឡើងវិញ ប៉ុន្តែជាលទ្ធផលនៃរបួសលើកនេះធ្វើឱ្យប៉ះពាល់ទម្រង់មុខរបស់លោក ដោយលោកបាននិយាយថាចង្កានិងថ្គាមលោកកាន់តែវែង កាន់តែរឹងមាំ និងមានលក្ខណៈជ្រុងជាងមុន ហើយក៏ធំជាងមុនដែរ។
Zac នៅតែបញ្ជាក់ដដែលថាលោកមិនបានវះកាត់កែសម្ផស្សទេ ហើយលោកក៏បានឱ្យតម្លៃ ឬខ្វល់ចំពោះពាក្យដែលអ្នកដទៃនិយាយពីមុខនិងថ្គាមរបស់លោកដែរ។
ទោះជាលោកមិនខ្វល់ខ្វាយ ប៉ុន្តែការបញ្ចេញមតិនិងការជជែកវែកញែកបានផ្ទុះឡើងមិនដាច់ពាក់ព័ន្ធនឹងរឿងដែលតារារូបនេះបានវះកាត់កែសម្ផស្សឬក៏អត់ ដដែល៕
