កញ្ញា អ៊ូ បញ្ញាសុកិត្យា នាយិកាក្លិបបាល់ទាត់វិសាខា សមាជិកលីគកំពូលកម្ពុជា ទទួលបានឱកាសទៅសិក្សាវគ្គ«គ្រប់គ្រងបាល់ទាត់ – Football Management នៃ UEFA Academy» នៅប្រទេសស្វីស រយៈពេល១ឆ្នាំ ខណៈនេះកញ្ញា ជាស្រ្តីជនជាតិខ្មែរដំបូងបង្អស់ដែលបានសិក្សាផ្នែកគ្រប់គ្រងបាល់ទាត់នេះ។
កញ្ញាបានប្រាប់មកកាន់ក្រុមការងារសារព័ត៌មានត្រយងថា៖«ខ្ញុំចេញដំណើរនៅល្ងាចថ្ងៃពុធ ទី២៨ កញ្ញា នេះ ដើម្បីចូលរួមវគ្គសិក្សាដែលរៀបចំឡើងដោយសហព័ន្ធកីឡាបាល់ទាត់អឺរ៉ុប (UEFA) ក្នុងប្រទេសស្វីស រយៈពេល១ឆ្នាំ»។
នេះជាលើកដំបូងហើយដែលមានក្លិបបាល់ទាត់នៅប្រទេសកម្ពុជា បញ្ជូនថ្នាក់ដឹកនាំក្លិប ចូលរួមសិក្សាផ្នែកគ្រប់គ្រងបាល់ទាត់នៅ ឯប្រទេសស្វីស ខណៈដែលលោក លី ហ៊ាង អគ្គលេខាធិការក្លិបបាល់ទាត់ភ្នំពេញក្រោន បានឆ្លងកាត់វគ្គសិក្សានេះដោយជោគជ័យ នៅខែមិថុនា ឆ្នាំ២០២២ កន្លងទៅ។
អត្ថបទពាក់ព័ន្ធ៖ក្លិបបាល់ទាត់វិសាខា តែងតាំងស្ត្រីម្នាក់ជានាយិកាប្រតិបត្តិ
