ចាប់វ៉ៃខ្នោះបុរសម្នាក់ ក្រោយប្រើសម្ដីប្រមាថលើក្រុមចម្រៀងល្បីកូរ៉េនៅអាកាសយានដ្ឋានអន្តរជាតិ!

បុរសម្នាក់ត្រូវសមត្ថកិច្ចចាប់វ៉ៃខ្នោះ ក្រោយពីបានប្រើពាក្យមើលងាយលើក្រុមចម្រៀង ATEEZ នៅអាកាសយានដ្ឋានអន្តរជាតិ។

ថ្មីៗនេះក្រុមចម្រៀង ATEEZ បានចេញទៅសម្ដែងខនសឺតនៅប្រទេសអារ៉ាប់រួម (Saudi Arabia) ហើយនៅពេលដែលពួកគេទោដល់ព្រលានយន្តហោះប្រទេសនោះ ស្រាប់តែជួបនឹងហេតុការណ៍អាក្រក់នឹកស្មានមិនដល់។

ហេតុការណ៍ដែលកើតឡើងនោះគឺមានបុរសម្នាក់បានថតវីដេអូក្រុម ATEEZ ហើយប្រើសម្ដីប្រមាថមើលងាយហើយបង្ហោះនៅលើ Tiktok របស់គេ។ បន្ទាប់ពីវីដេអូនោះត្រូវបានចែករំលែកជាសាធារណៈក្រុមអ្នកគាំទ្ររបស់ ATEEZ បាននាំគ្នាបង្ហោះរឿងនេះនៅលើ Twitter ដើម្បីការពារតារាដែលខ្លួនគាំទ្រ។

ក្រោយដំណឹងនេះត្រូវបានផ្សព្វផ្សាយចេញទៅក្រៅហើយមានការចាប់អារម្មណ៍ច្រើន ហើយរឿងនេះដឹងដល់រដ្ឋាភិបាល អារ៉ាប់រួម ស្រាប់តែបុរសនោះត្រូវបានសមត្ថកិច្ចចាប់ខ្លួនដោយសារតែទង្វើរបស់គេ។ បើយោងតាមសម្ដីហ្វេន ការចាប់ខ្លួនបុរសនេះកើតឡើងដោយសារការចែករំលែកបន្តាក់គ្នារបស់ក្រុមអ្នកគាំទ្រដែលមានឈ្មោះថា ATINY បានយករឿងនេះទៅផុសនៅលើបណ្ដាញសង្គម Twitter និងទាមទាររកយុត្តិធម៌ឱ្យអាយដលពួកគេ។

មនុស្សជាច្រើនបានលើកជាទស្សនៈថាយើងមានសិទ្ធិសេរីភាពក្នុងការធ្វើអ្វីបានគ្រប់យ៉ាង ប៉ុន្តែត្រូវចាំថាសិទ្ធិរបស់យើងនឹងត្រូវបញ្ចប់ភ្លាមនៅពេលប៉ះពាល់ដល់សិទ្ធិរបស់អ្នកដទៃ។ ពួកគេលើកឡើងទៀតថា គ្មានអ្នកណាម្នាក់គួរឆ្លងកាត់រឿងអាក្រក់បែបនេះឡើយ ហើយរឿងប្រើសម្ដីមើលងាយមនុស្សឬនរណាម្នាក់គួរតែត្រូវបញ្ចប់ ប៉ុន្តែមនុស្សជាច្រើនបែបជាមិនយល់ថាពាក្យសម្ដីអាចធ្វើឱ្យមនុស្សឈឺចាប់ខ្លាំង។

សមត្ថកិច្ច បានចាប់ខ្លួនបុរសអារ៉ាប់ម្នាក់ បានប្រើសម្ដីអាក្រក់ដែលបង្ហាញពីការរើសអើង បណ្ដាលឱ្យប៉ះពាល់យ៉ាងធ្ងន់ធ្ងរដល់តម្លៃសាធារណៈ ក្នុងខណៈដែលក្រុមចម្រៀងកូរ៉េឈ្មោះATEEZ បានមកដល់ព្រលានយន្តហោះអន្តរជាតិ ដើម្បីចូលរួមក្នុងកម្មវិធី Riyadh
សមត្ថកិច្ចអារ៉ាប់

https://twitter.com/i/status/1576247788748185600

ប្រភព៖ kpoplad.com

អត្ថបទពាក់ព័ន្ធ