ចៅប្រុសរបស់អតីតកំពូលតារាទូរទស្សន៍ល្បី Michael Landon ត្រូវរថយន្តក្រុងបុក ហើយជនរងគ្រោះត្រូវគេទុកចោលលើចិញ្ចឹមផ្លូវរហូតដាច់ខ្យល់ស្លាប់។ ម្ដាយជនរងគ្រោះបានទាមទារចង់បានចម្លើយពាក់ព័ន្ធនឹងករណីគ្រោះថ្នាក់របស់កូនប្រុសខ្លួនតែគ្មានចម្លើយ។
លោកស្រី Shawna Landon ដែលត្រូវជាកូនស្រីរបស់ Michael Landon បានផ្ដល់សម្ភាសន៍ឱ្យកាសែត Dailymail ពាក់ព័ន្ធនឹងការស្លាប់របស់កូនខ្លួនដែលមិនមានព័ត៌មានជាក់លាក់ គួរឱ្យទុកចិត្តបញ្ជាក់ពីគ្រោះថ្នាក់ដ៏អាក្រក់នោះនៅឡើយ ទាំងដែលរឿងហេតុបានកន្លងហួសរយៈពេល២ខែទៅហើយ។
តារាស្រីវ័យ៥០ឆ្នាំ បានរៀបរាប់នៅបទសម្ភាសន៍នោះថាកូនប្រុសខ្លួនគឺ Dylan Lupia វ័យ២៤ឆ្នាំ ត្រូវបានគេទុកឱ្យដាច់ខ្យល់ស្លាប់ចោលនៅទីក្រុង Rancho Palos កាលពីថ្ងៃទី១៧ ខែសីហា។ លោកស្រីបន្តថាតៃកុងឡានក្រុងនៅតែបើកឡានបន្តទៅមុខទៀតទោះជាបានបុកកូនខ្លួនរួចហើយក្ដី។ នៅក្នុងបទសម្ភាសន៍នោះលោកស្រីបាននិយាយថា តៃកុងឡានបានអះអាងថាលោកមិនបានដឹងទេថាឡានដែលលោកបើកបានបុកនិងអូសអ្នកណាម្នាក់នោះឡើយ ដោយដំបូងឡើយលោកគិតថាមាននរណាម្នាក់ចង់កម្ទេចឡានរបស់លោក។
ទោះជាទទួលបានចម្លើយបែបនេះក្ដី ប៉ុន្តែរបស់សពនៅតែមិនអស់ចិត្តហើយមានសំនួរជាច្រើនទៀតពេញក្នុងខួរក្បាល ដោយលោកស្រីបាននិយាយប្រាប់ Dailymail ថា «ខ្ញុំគ្រាន់តែចង់បានចម្លើយប៉ុណ្ណោះ។ នេះគឺជាអ្វីដែលខ្ញុំកំពុងគិត។ ម៉េចបានជាអ្នកនិយាយថាអ្នកមិនដឹងនៅពេលដែលអ្នកបានបើកបុកមនុស្សមួយទាំងមូល?»។ បុរសម្នាក់នេះមិនបានឈប់មើលថាមានរឿងអ្វីកើតឡើង ឬខលទៅ៩១១ នោះឡើយ។
កូនប្រុសខ្ញុំត្រូវគេទុកចោលឱ្យស្លាប់នៅចិញ្ចើមថ្នល់។ ឧប្បត្តិហេតុគ្រោះថ្នាក់ចរាចរណ៍នេះកើតឡើងវេលាម៉ោង៧ និង៣១នាទីល្ងាចនៅតាមបណ្ដោយផ្លូវស្ងាត់តវាង Terranea way និង Hatano Farms។ Dylan កំពុងតែធ្វើដំណើរថ្មើជើងនៅលើផ្លូវសម្រាប់ត្រីចក្រយានធ្វើដំណើរ ហើយនៅពេលនោះឯងដែលរថយន្តក្រុងលេខ ៣៤៤ បុកលោកពេញទំហឹង។ តៃកុងឡានបន្ទាប់ពីបុកហើយបានបន្តបើករហូតជាង១ម៉ាលឬពាក់កណ្ដាលផ្លូវទម្រាំដល់ចំណតមួយទៀត ទើបជាន់ហ្វ្រាំងឈប់។ តៃកុងឡានបានអះអាងថានៅពេលនោះលោកបានទម្លាក់អ្នកដំណើរចុងក្រោយដេលជាងបុរសនោះចំណត មុននឹងទំនាក់ទំនងទៅអាជ្ញាធរគ្រប់គ្រងការដឹកជញ្ជូនចំពោះអ្វីដែលបានកើតឡើង។
ដោយឡែកមិត្តនិងគ្រួសារសព មិនជឿសម្ដីរបស់តៃកុងឡាននោះឡើយ ដោយគេបានលើកឡើងថាវាមិនអាចទៅរួចឡើយដែលតៃកុងឡានបើកបុកមនុស្ស១,៨៥ សង់ទីម៉ែត្រ ហើយមិនដឹងនោះ ម្យ៉ាងវិញទៀតពេលនោះផ្ទៃមេឃស្រឡះគ្មានឧបសគ្គដល់ការមើលឃើញនោះឡើយ។ ម្ដាយរបស់សពបាននិយាយទៀតថា ក្រៅពីអ្វីដែលលោកស្រីបានលើកឡើងមានរ៉ឿងរ៉ាវជាច្រើនទៀតដែលស្ដាប់ទៅមិនអាចទទួលយកបាន ខណៈដែលព័ត៌មានស្ដីពីគ្រោះថ្នាក់ក៏មានភាពយឺតយ៉ាវ។
លោកស្រីបានបន្ថែមទៀតថាកូនប្រុសខ្លួននៅក្នុងថ្ងៃគ្រោះថ្នាក់នោះប្រហែលជាដើរទៅលេងប្ដីជីដូនរបស់គេដែលនៅក្បែរៗនោះ។ រឿងដែលលោកស្រីមិនអស់ចិត្តទៀតនោះគឺរថយន្តកូនលោកស្រីក៏បាត់ផងដែរ លោកស្រីកំពុងតែស្នើឱ្យប៉ូលិសស្រាវជ្រាវរករថយន្តនោះមកវិញដែរ។ សម្រាប់ករណីគ្រោះថ្នាក់នេះមានសំនួរជាច្រើនត្រូវបានក្រុមគ្រួសារចោទសួរប៉ុន្តែមិនមានចម្លើយអ្វីទាំងអស់។
កាបូបលុយ អត្តសញ្ញាណបណ្ណ និងកាតធនាគារមាននៅជាប់នឹងខ្លួនសព ប៉ុន្តែសោរឡាននិងទូរសព្ទបានបាត់ ខណៈដែលសម្លៀកបំពាក់កូនគាត់មិនមានដាច់រហែកនោះឡើយ។ យ៉ាងណាមិញករណីគ្រោះថ្នាក់នេះនៅតែស្ថិតក្នុងការសង្ស័យពីសាច់ញាតិរបស់សពនៃជនរងគ្រោះនៅឡើយ៕
