ការប្រកួតបាល់ទះពានរង្វាន់សម្តេចអគ្គមហាសេនាបតីតេជោ ហ៊ុន សែន ឆ្នាំ២០២២ នៅក្នុងខែតុលា ឆ្នាំ២០២២ នេះមានក្រុមខ្លាំងៗចូលរួមចំនួន១១ ក្លិប ខណៈម្ចាស់ជើងឯកនឹងទទួលបានប្រាក់រង្វាន់ដល់ទៅ១ម៉ឺនដុល្លារអាមេរិក។
ក្រុមដែលចូលរួមទាំង១១មាន៖
១) សមាគមបាល់ទះវិសាខា
២) ក្រសួងមហាផ្ទៃ
៣) កងពលធំអន្តរាគមន៍លេខ៣
៤) រដ្ឋបាលរាជធានីភ្នំពេញ
៥) បញ្ជាការដ្ឋានអង្គរក្ស
៦) សមាគមកីឡាបាល់ទះខេត្តសៀមរាប
៧) សមាគមកីឡាបាល់ទះខេត្តបាត់ដំបង
៨) ក្លិបបាល់ទះស្នងការខេត្តព្រះសីហនុ
៩) ក្លិបកីឡាបាល់ទះកូននាគឧត្តរ
១០) ក្លិបកីឡាបាល់ទះស្នងការខេត្តព្រះសីហនុ
១១) ក្លិបបាល់ទះស្នងការដ្ឋាននគរបាលខេត្តត្បូងឃ្មុំ
ក្រុមដែលមានឈ្មោះចូលរួមនេះមាន ៥ក្រុម (បានពីការអញ្ជើញ) និង៦ក្រុមដែលឡើងមកពីពានរង្វាន់សម្តេចក្រឡាហោម កន្លងទៅ។ ក្រុមដែលចូលរួមទាំង១១នេះត្រូវបែងចែកជា៤ពូល ប្រកួតវិលជុំ១ជើងសន្សំពិន្ទុ ហើយក្រុមលេខ១និងលេខ២តាមពូលនីមួយៗ មានឈ្មោះឡើងទៅប្រកួតវគ្គ៨ក្រុមចុងក្រោយ ដែលការប្រកួតវិលជុំ ហើយក្រុមដែលឈ្នះ មានឈ្មោះបន្តកៅអីឡើងទៅវគ្គពាក់កណ្ដាលផ្ដាច់ព្រ័ត្រនិងផ្ដាច់ព្រ័ត្រ។
ការប្រកួតធ្វើឡើងនៅកីឡដ្ឋានព្រីនស៍ (ម្តុំហ្រ្គេនភ្នំពេញ) ដោយចាប់ដំណើរការពីថ្ងៃទី១៥ ដល់៣០ ខែតុលា ឆ្នាំ២០២២។
សម្រាប់ក្រុមជ័យលាភីវិញនឹងទទួលមាន៖
-ជើងឯក៖ ពានរង្វាន់ធំ១ មេដាយមាសម្នាក់១ អមដោយថវិកា១ម៉ឺនដុល្លារ
-ជើងឯករង៖ មេដាយប្រាក់ម្នាក់១ អមដោយថវិកា៥ពាន់ដុល្លារ
-លេខ៣៖ មេដាយសំរឹទ្ធិ ម្នាក់១ អមដោយថវិកា៣ពាន់ដុល្លារ
-លេខ៤៖ ថវិកា ២ពាន់ដុល្លារ
អំឡុងពេលប្រកួតនេះដែរ ក៏មានការប្រកួតមិត្តភាពអន្តរជាតិចំនួន២គូដែរ ដោយក្នុងនោះ៖
-១៥ តុលា ២០២២ កម្ពុជា ប៉ះ សិង្ហបុរី វេលាម៉ោង៧យប់
-២០ តុលា ២០២២ កម្ពុជា ប៉ះ គុយបា វេលាម៉ោង៧យប់
