យោងតាមការផ្សព្វផ្សាយរបស់បណ្ដាញសារព័ត៌មានកូរ៉េខាងត្បូងនៅថ្ងៃទី១១ ខែតុលា ឆ្នាំ២០២២ នេះបានរាយការណ៍ថា Lee Jung Jae នឹងទទួលបានតម្លៃខ្លួនពី Netflix សម្រាប់ថតភាពយន្ត «Squid Game» មួយភាគ ១លានវ៉ុន ឬប្រមាណ ៧០ម៉ឺនដុល្លារ។
ប្រសិនបើវគ្គ២ នៃរឿងភាគ Squid Games មានចំនួន៩ភាគដូចជាវគ្គ១នោះ បានសេចក្ដីថា Lee Jung Jae នឹងទទួលបានប្រាក់តម្លៃខ្លួនសរុប៩លានវ៉ុន ឬប្រមាណ ៦.៣លានដុល្លារ។
ប្រភពពីខាងក្នុងបានបង្ហើបឱ្យដឹងថាវគ្គ២នៃរឿងនេះ គ្រោងនឹងចាប់ផ្ដើមថតនៅឆ្នាំក្រោយនេះហើយ។ Lee Jung Jae បានចុះហត្ថលេខាថតរឿងភាគនេះហើយ ដោយមួយភាគលោកនឹងទទួលបានតម្លៃពលកម្ម ១លានវ៉ុន។
ដោយឡែកផលិតករ Hwang Dong Hyuk ក៏ត្រូវបានគេលួចទម្លាយឱ្យដឹងដែរថាលោកទទួលបានប្រាក់លើកទឹកចិត្តចំពោះ Project ទីពីររបស់លោកខ្លួននេះយ៉ាងមហាសាលដែរ។
មិនរាប់បញ្ចូលតម្លៃខ្លួនរបស់តារាឯកទាំងពីរដួងដូចជា Lee Jung Jae និង Lee Byung Hun កញ្ចក់ថវិកាថតរឿង Squid Game វគ្គ២ គឺមានតម្លៃប្រមាណ១០០លានវ៉ុន ឬប្រមាណ ៧០លានដុល្លារអាមេរិក។
គួរដឹងដែរថា ភាពយន្តភាគបែបលេងហ្គេមភ្នាល់ដាក់ជីវិតជាថ្នូរនឹងទឹកប្រាក់មហាសាល «Squid Game ផលិតដោយ Netflix Korea និង Siren Pictures៕
ប្រភព Allkpop