រកបានគ្រាប់បាល់២គ្រាប់ម្នាក់ឯងក្នុងជំនួបរវាងឥណ្ឌា ជាមួយបង់ក្លាដេស ក្នុងវគ្គជម្រុះពូល E ប្រចាំទ្វីបអាស៊ី នៃពានរង្វាន់បាល់ទាត់ពិភពលោក 2022 FIFA World Cup និងវគ្គជម្រុះពាន AFC Asian Cup 2023 ជើងឯកទ្វីបអាស៊ី កាលពីពេលថ្មីៗ ធ្វើឱ្យកីឡាករ Sunil Chhetri របស់ឥណ្ឌា ចូលក្នុងបញ្ជីអ្នករកបានគ្រាប់បាល់បានច្រើនជាងគេទាំង១០នាក់លើពិភពលោកឱ្យក្រុមជម្រើសជាតិ (Top 10)។
កីឡាករវ័យ៣៦ឆ្នាំរូបនេះ បានជាប់ឈ្មោះក្នុងក្រុមជម្រើសជាតិឥណ្ឌា តំាងពីឆ្នាំ២០០៥ មកម៉្លេះ ដោយលេងជាខ្សែបម្រើ ឬប្រយុទ្ធ។ កីឡាកររូបនេះបានវ៉ាដាច់ Lionel Messi របស់អាហ្សង់ទីន ដែលឈរលេខ១២ពិភពលោក ក្រោយរកបានគ្រាប់បាល់ត្រឹមតែ៧២គ្រាប់ប៉ុណ្ណោះ ខណៈក្នុងបញ្ជីនេះមានតែរូបគេនិងCristiano Ronaldo របស់ព័រទុយហ្គាល់ ទេដែលនៅបន្តអាជីព ក្រៅពីនោះចូលនិវត្តន៍ពីបាល់ទាត់អស់ហើយ។
បញ្ជីកីឡាករ Top 10 រកគ្រាប់បាល់ឱ្យក្រុមជម្រើសជាតិបានច្រើនជាងគេលើលោក៖
១.Ali Daei របស់អ៊ីរ៉ង់ (១៩៩៣-២០០៦) បង្ហាញខ្លួន១៤៩ លើក រកបាន១០៩គ្រាប់
២.Cristiano Ronaldo របស់ព័រទុយហ្គាល់ (២០០៣-បច្ចុប្បន្ន) បង្ហាញខ្លួន១៧៤ លើក រកបាន១០៣គ្រាប់
៣.Mokhtar Dahari របស់ម៉ាឡេស៊ី (១៩៧២-៨៥)បង្ហាញខ្លួន១៤២ លើក រកបាន៨៩គ្រាប់
៤.Ferenc Pusakas របស់ហុងគ្រី (១៩៤៥-៥៦) បង្ហាញខ្លួន៨៥ លើករកបាន៨៤គ្រាប់
៥.Godfrey Chitalu របស់ហ្សំប៊ី (១៩៦៨-៨០) បង្ហាញខ្លួន១១១ លើក រកបាន៧៩គ្រាប់
៦.Hussein Saeed របស់អ៊ីរ៉ាក់ (១៩៧៦-៩០) បង្ហាញខ្លួន១៣៧ លើក រកបាន៧៨គ្រាប់
៧.Pele របស់ប្រេស៊ីល (១៩៥៧-៧១) បង្ហាញខ្លួន៩២ លើក រកបាន៧៧គ្រាប់
៨.Kunishige Kamamoto របស់ជប៉ុន (១៩៦៤-៧៧) បង្ហាញខ្លួន៧៦ លើករកបាន៧៥គ្រាប់
៩.Bashar Abdullah របស់គុយវ៉ែត (១៩៩៦-២០១៨)បង្ហាញខ្លួន១៣៧លើក រកបាន៧៥គ្រាប់
១០.Sunil Chhetri របស់ឥណ្ឌា (២០០៥-បច្ចុប្បន្ន) បង្ហាញខ្លួន១១៧ លើក រកបាន៧៤គ្រាប់
វីដេអូគ្រាប់បាល់២គ្រាប់របស់ Sunil Chhetri ពេលជួយក្រុមឈ្នះបង់ក្លាដេសថ្មីៗនេះ៖
