គណៈកម្មការរៀបចំការប្រកួតរបស់សហព័ន្ធកីឡាបាល់ទាត់អាស៊ី AFC បានចាប់ឆ្នោតជ្រើសរើសពូលរួចរាល់ហើយក្នុងពានរង្វាន់ជើងឯកយុវជនក្រោមអាយុ២០ឆ្នាំ 2023 AFC U-20 Asian Cup រួចរាល់ហើយ ខណៈក្រុមនៅតំបន់អាស៊ាន ចំនួន២មានឈ្មោះចេញទៅចូលរួមប្រកួតនេះ។
ពូល A៖ អ៊ូបេគីស្ថាន (ម្ចាស់ផ្ទះ) ឥណ្ឌូណេស៊ី,អ៊ីរ៉ាក់,ស៊ីរី
ពូល B៖ កាតារ, អូស្រ្តាលី,វៀតណាម, អ៊ីរ៉ង់
ពូល C៖ កូរ៉េខាងត្បូង, តាជីគីស្ថាន, ហ្សកដានី, អ៊ូម៉ង់
ពូល D៖ អារ៉ាប៊ីសាអ៊ូឌីត,ជប៉ុន,ចិន, គីជីស្ថាន
ក្រុមកូរ៉េខាងត្បូង ជាអ្នកឈ្នះជើងឯកច្រើនជាងគេរហូតដល់១២លើក ឈ្នះជើងឯករកបាន៥លើក ឈ្នះលើក៣បាន៦លើក ចាប់តាំងពីពានរង្វាន់នេះបង្កើតឡើងដំបូងពីឆ្នាំ១៩៥៩មក។ ដំបូងឡើយពានរង្វាន់នេះរៀបចំឡើងរាល់១ឆ្នាំម្តង តែចាប់ពីឆ្នាំ១៩៧៨ មកពានរង្វាន់នេះប្តូរមករៀបចំរាល់២ឆ្នាំម្តងវិញ។
សម្រាប់ការប្រកួតពានរង្វាន់ 2023 AFC U-20 Asian Cup ជម្រុះសល់ក្រុមខ្លាំងចំនួន១៦ក្រុម ដើម្បីប្រកួតស្វែងរកម្ចាស់ជើងឯកប្រចាំទ្វីប នៅ៤កីឡដ្ឋានផ្សេងគ្នាក្នុងប្រទេសអ៊ូបេគីស្ថាន ចាប់ពីថ្ងៃទី១ ដល់១៨ ខែមីនា ឆ្នាំ២០២២។ ក្រុមដែលកក់កៅអីវគ្គពាក់កណ្ដាលផ្ដាច់ព្រ័ត្រមានឈ្មោះតំណាងឱ្យទ្វីបអាស៊ី ឡើងទៅប្រកួតពានរង្វាន់ជើងឯកពិភពលោក 2023 FIFA U-20 World Cup៕