មុនពេលពានរង្វាន់បាល់ទាត់ជើងឯកតំបន់អាស៊ាន AFF Mitsubishi Electric Cup 2022 ឈានមកដល់ សហព័ន្ធកីឡាបាល់ទាត់ម៉ាឡេស៊ី បានប្រកាសនៅព្រឹកថ្ងៃទី២៩ ខែតុលា អំពីការណាត់ក្រុមជម្រើសជាតិកម្ពុជា និងម៉ាល់ឌីវ ប្រកួតមិត្តភាពអន្តរជាតិ នៅដើមខែធ្នូ។
ខាងក្រោមនេះគឺជាកាលបរិច្ឆេទប្រកួតមិត្តភាពអន្តរជាតិ៖
-ថ្ងៃទី៩ ខែធ្នូ ម៉ាឡេស៊ី vs កម្ពុជា នៅកីឡដ្ឋាន Bukit Jalil Stadium
-ថ្ងៃទី១៤ ខែធ្នូ ម៉ាឡេស៊ី vs ម៉ាល់ឌីវ នៅកីឡដ្ឋាន Kuala Lumpur Stadium។
ការប្រកួតពានរង្វាន់ AFF Mitsubishi Electric Cup 2022 ដែលនឹងធ្វើឡើងពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣។ ពោលគឺនៅពេលពានរង្វាន់ FIFA World Cup 2022 នៅប្រទេសកាតារ រកឃើញជើងឯកបាន៤៨ម៉ោង។
បន្ទាប់ពីការចាប់ឆ្នោតកាលពីថ្ងៃទី៣០ ខែសីហា កន្លងទៅ បានរកឃើញក្រុមជាសមាជិកស្ថិតក្នុង២ពូលផ្សេងគ្នាមានដូចជា៖
ពូល A៖, ថៃ, ហ្វីលីពីន, ឥណ្ឌូនេស៊ី, កម្ពុជា និងក្រុមទីម័រ ឬ ប្រុយណេ
ពូល B៖វៀតណាម, ម៉ាឡេស៊ី, សិង្ហបុរី, មីយ៉ានម៉ា, ឡាវ។
ពានរង្វាន់ជើងឯកបាល់ទាត់បុរសប្រចាំតំបន់អាស៊ាន បង្កើតឡើងដំបូងតាំងពីឆ្នាំ ១៩៩៦ មកម៉្លេះ ដោយប្រកួតរាល់២ឆ្នាំម្តង ស្របពេលដំបូងឡើយប្រើឈ្មោះជា AFF Tiger Cup រហូតដល់ឆ្នាំ២០០៤ ក៏ប្តួរឈ្មោះទៅជា AFF Suzuki Cup វិញម្តង និងចុងក្រោយចាប់ពីឆ្នាំ២០២២ តទៅប្រើឈ្មោះជាAFF Mitsubishi Electric Cup វិញម្តង។
ថៃ ជាក្រុមឈ្នះជើងឯកពានរង្វាន់បុរសប្រចាំតំបន់អាស៊ាន នេះបានច្រើនជាងគេ រហូតដល់ទៅ៦លើក ឯសិង្ហបុរី ឈ្នះបាន៤លើក វៀតណាម ឈ្នះ២លើក និងម៉ាឡេស៊ី ឈ្នះបាន១លើក។ ឥណ្ឌូណេស៊ី ជាក្រុមឡើងវគ្គផ្ដាច់ព្រ័ត្របានច្រើនជាងគេរហូតដល់៦លើក តែបរាជ័យរហូត៕