តារាចម្រៀងកូនកាត់អតីតបេក្ខនារី The Voice Thailand ទើបតែចូលទៅចាក់វ៉ាក់សាំង Astrazeneca កាលពីថ្ងៃទី ៩ ខែមិថុនា កន្លងទៅ ក្រោយចាក់ចាក់វ៉ាក់សាំងការពារ Covid-19 នេះរួចសាមីខ្លួនបានបង្ហើបឱ្យដឹងថាខ្លួនចាប់ផ្ដើមមានអាការៈរងាញ័រនិងឡើងកម្ដៅដល់ ៣៨.៨អង្សា ដែលនេះជាផលប៉ះពាល់បន្ទាប់បន្សំចំពោះអ្នកអាយុតិច។
តារាស្រីរូបនេះបានបង្ហោះនៅលើគណនីរបស់ខ្លួនថា៖ «កាលពីម្សិលមិញបានទៅចាក់វ៉ាក់សាំង Astrazeneca លទ្ធផលប៉ះពាល់បន្ទាប់បន្សំគឺឡើងកម្ដៅខ្លាំង ពិបាកក្នុងខ្លួនណាស់ រវាងញ័រហើយឈឺចាប់ពេញក្នុងខ្លួន គេងមិនបាន គឺធ្វើទុក្ខដូចជាមនុស្សជាច្រើនដែលបានចាក់ ដែលនេះគឺជាផលប៉ះពាល់ចំពោះមនុស្សដែលមានអាយុតិច។ សម្រាប់អ្នកម៉ាក់អាយុ៦០ឆ្នាំ គាត់ចាក់រួចអត់មានឃើញធ្វើទុក្ខអ្វីសោះ រឹងមាំខ្លាំងមែន សូមឱ្យប្រព័ន្ធភាពស៊ាំចាស់ឱ្យច្រើនៗឱ្យសមនឹងខ្ញុំទ្រាំពិបាកក្នុងខ្លួន។ថ្ងៃនេះញ៉ាំប៉ារ៉ា ឥឡូវបាត់គ្រុនហើយ ស៊ូៗណា អ្នកណាដែលមិនសូវរឹងមាំ កុំភ្លេចសង្កេតនិងតាមដានអាការៈខ្លួនឯងឱ្យបានម៉ត់ចត់ផង។»។
បញ្ហាជំងឺកូវីដ-១៩ នៅក្នុងប្រទេសថៃ នៅតែជាបញ្ហាប្រឈមយ៉ាងធំព្រោះមានប្រជាជនថៃច្រើននៅទូទាំងប្រទេសបានឆ្លងជំងឺដ៏កាចសាហាវនេះ តួយ៉ាងដូចជាថ្ងៃទី១១ ខែមិថុនា នេះ យោងតាមប្រភពពី Worldometers គិតត្រឹមម៉ោង១០ព្រឹក មានចំនួនករណីឆ្លងថ្មី ២២៩០ និងចំនួនស្លាប់ថ្មី ២៧ ៕