«You Are My Glory» រឿងភាគសម័យចិនដែលត្រូវបានអ្នកនិយមរឿងភាគចិនទន្ទឹងរង់ចាំយ៉ាងអន្ទះសាព្រោះតែរឿងនេះគឺជាការជួបសម្ដែងជាមួយគ្នាជាលើកដំបូងរវាង Big Name ទាំងពីររបស់ឧស្សាហកម្មភាពយន្តចិន Dilraba និង Yang Yang។ គ្រាន់តែឮឈ្មោះអ្នកគាំទ្រកម្ពុជាបានស្គាល់យ៉ាងច្បាស់ទៅហើយ ព្រោះរឿងភាគចិនដែលតារាពីរដួងនេះសម្ដែងមានភាពល្បីល្បាញណាស់នៅក្នុងព្រះរាជាណាចក្រកម្ពុជាយើងដូចជារឿង «LoveO2O» ដែលសម្ដែងដោយ Yang Yang និងរឿង «Three Lives, Three Worlds, The Pillow Book» ដែលសម្ដែងដោយ Dilraba។
យ៉ាងណាមិញមុននឹងទស្សនារឿងភាគថ្មី «You Are My Glory» ដែលសម្ដែងរួមគ្នាដោយតារាក្នុងដួងចិត្តរបស់ទស្សនិកជនទាំងពីររូបខាងលើ សារព័ត៌មានត្រយងសូមលើកយកចំណុចសំខាន់ចំនួន៥ ដែលទស្សនិកជនគួរតែដឹងមុនសម្រេចចិត្តទស្សនារឿងនេះ។
1. រឿងភាគសម័យថ្មីមួយនេះជារឿងដំបូង ដែលអ្នកទាំងពីរបានជួបសម្ដែងជាមួយគ្នា (សម្រេចបំណងប្រាថ្នាហ្វេនអន្តរជាតិមួយចំនួនធំដែលប្រាថ្នាចង់ឃើញតារាទាំងពីរដួងជួបគ្នាក្នុងរឿង)
2. Dilraba និង YangYang គឺជាតារា A-List ដែលជោគជ័យគ្រប់សព្វបែបយ៉ាងទាំងលើភាពយន្ត និងភាពយន្តភាគ ជាពិសេសវិញនោះសម្រស់អ្នកទាំងពីរស្អាត-សង្ហាបះសក់
3. «You Are My Glory» រឿងនេះថតយកលំនាំតាមសៀវភៅប្រលោមលោករបស់អ្នកនិពន្ធ Man Gu បើនិយាយពីឈ្មោះគាត់ហ្វេនសៀវភៅប្រលោមនៅប្រទេសចិនច្បាស់ជាស្គាល់ ព្រោះរឿងរបស់គាត់ត្រូវបានយកមកថតជារឿងភាគ និងរឿងកុនជាច្រើន ដែលសូម្បីតែ international fan ក៏សរសើរមិនដាច់ពីមាត់ថាល្អមើល មានដូចជារឿង Love O2O , My Sunshine, Boss & me ជាដើម
4. ហ្វេន ៗក្នុងស្រុកមានការទាស់ទែងខ្វែងគំនិតគ្នា ប៉ុន្តែ ក៏មានមនុស្សជាច្រើនដែលនៅតែទន្ទឹងរង់ចាំរឿងមួយនេះ។ ប៉ុន្តែវាមិនមែនជាករណីពិសេសអ្វីនោះទេចំពោះបញ្ហានេះ ព្រោះសូម្បីតែរឿង Qie Shi Tian Xia ដែល Yangyang ថតជាមួយតារាស្រីវ័យក្មេង zhao Lusi គឺមានការរិះគន់តាំងពីពេលដឹងថាអ្នកទាំងពីរត្រូវសម្តែងជាមួយគ្នារហូតដល់ពេលនេះ ដែលកំពុងតែដំណើរការថតហើយ ក៏នៅតែមានព័ត៌មានមិនល្អ ពីអ្នករិះគន់ជាច្រើនដដែល។ ងាកមក International Fan ប្រាកដណាស់ថាបន់ឱ្យតែដល់ថ្ងៃបញ្ចាំងប៉ុណ្ណោះ។
5. ក្រៅពីស្នេហារវាងតួឯកប្រុស តួឯកស្រី រឿងភាគចិននេះផ្តោតសំខាន់ទៅលើបច្ចេកវិទ្យាអវកាស ហើយអ្នកតាមដានប្រាកដជាបានយល់ច្បាស់ថែមមួយជំហានអំពីភាពជឿនលឿនផ្នែកយានអវកាស និងបច្ចេកវិទ្យាហ្គេមដ៏ទំនើបផងដែរ។ សម្រាប់រឿងនេះអាចនិយាយបានថាវិស័យ E-Sport នៅប្រទេសចិនមានការអភិវឌ្ឍខ្លាំងដែលអ្នកទស្សនាអាចសិក្សារៀនសូត្របន្ថែមពីវិស័យនេះបាន៕
បកប្រែ៖ លីម ជីងហួន
សម្រួលអត្ថបទ៖ លួង ភីរ៉ូនីកា