ក្រុមបាល់ទាត់ជម្រើសជាតិថៃ បានប្រកាសណាត់ក្រុមបាល់ទាត់ចំនួន២ ប្រកួតមិត្តភាពអន្តរជាតិ មុនចូលរួមប្រកួតដណ្តើមពានរង្វាន់ 2022 AFF Championship ឬ AFF Mitsubishi Electric Cup 2022 នៅចុងឆ្នាំ២០២២ នេះ។
បើតាមការបញ្ជាក់របស់សហព័ន្ធកីឡាបាល់ទាត់ថៃ ក្រុមជម្រើសជាតិបុរសរបស់ខ្លួននឹងប្រកួត៖
-១១ ធ្នូ ២០២២ ថៃ ប៉ះ មីយ៉ាន់ម៉ា
-១៤ ធ្នូ ២០២២ ថៃ ប៉ះ តៃវ៉ាន់
ការប្រកួតទាំង២លើកនេះនឹងធ្វើឡើងនៅកីឡដ្ឋាន Thammasat Stadium ក្នុងទីក្រុង Rangsit ខេត្ត Pathum Thani ដូចគ្នា ដោយចាប់ដំណើរការវេលាម៉ោង ៨:៣០នាទីយប់តទៅ។
ក្នុងពានរង្វាន់ AFF Mitsubishi Electric Cup 2022 ក្រុមបាល់ទាត់ជម្រើសជាតិថៃ ស្ថិតនៅក្នុងពូល A ជាមួយហ្វីលីពីន, ឥណ្ឌូណេស៊ី,កម្ពុជា និងប្រ៊ុយណេ និងពូល B មានវៀតណាម, ម៉ាឡេស៊ី,សិង្ហបុរី, មីយ៉ាន់ម៉ា និងឡាវ។ ការប្រកួតចាប់ដំណើរការពីថ្ងៃទី២០ ខែធ្នូ ឆ្នាំ២០២២ ដល់ថ្ងៃទី១៦ ខែមករា ឆ្នាំ២០២៣ ខាងមុខ ដោយប្រើរូបមន្តរកក្រុមខ្លាំងតាមពូលនីមួយៗចំនួន២ ឡើងទៅវគ្គពាក់កណ្តាលផ្ដាច់ព្រ័ត្រ និងបន្តទៅផ្តាច់ព្រ័ត្រ៕
