អំពីលទ្ធផលនៃការប្រកួតកីឡាប៉េតង់ជើងឯកអាស៊ីលើកទី៤ (4th Asian Petanque Championship 2022) វិញ្ញាសាវាយយកពិន្ទុ ជុំទី១៖
-កីឡាករ ថោង ឈឿន ៤០ពិន្ទុ ទទួលចំណាត់ថ្នាក់លេខ១ ឈរចាំប្រកួតវគ្គ៨ក្រុមចុងក្រោយ
-កីឡាការិនី អ៊ុន ស្រីយ៉ា ៤០ពិន្ទុ ទទួលចំណាត់ថ្នាក់លេខ១ ឈរចាំប្រកួតវគ្គ៨ក្រុមចុងក្រោយ
សម្រាប់កីឡាករ អ៊ុក ដួងខែ ២៤ពិន្ទុ នឹងត្រូវប្រកួតបន្តយក៤ក្រុមទៅវគ្គពាក់កណ្ដាលផ្ដាច់ព្រ័ត្រ ដោយត្រូវប្រកួតជាមួយសិង្ហបុរី នៅវេលាម៉ោង៤រសៀលនេះ។
ចំពោះព្រឹត្តិការណ៍ជើងឯកប្រចាំទ្វីបអាស៊ី លើកទី៤ (4th Asian Petanque Championship 2022) នៅរាជធានីបាងកក ប្រទេសថៃ សហព័ន្ធកីឡាប៊ូលនិងប៉េតង់ កម្ពុជា បានបញ្ជូនប្រតិភូ គ្រូបង្វឹក និងកីឡាករ កីឡាការិនី ចំនួន២៧នាក់ចេញទៅប្រកួតដណ្តើមមេដាយផងដែរ។
កម្ពុជាមានកីឡាករកីឡាការិនី ចំនួន២០នាក់ គ្រូបង្វឹក៤ និងប្រតិភូចំនួន៣នាក់។ ចំណែកវិញ្ញាសាដែលត្រូវចូលរួមប្រកួតមានចំនួន៦វិញ្ញាសា ដោយក្នុងនោះវិញ្ញាសា បុរស៣នាក់ទល់៣នាក់, នារី៣នាក់ទល់៣នាក់, បុរសវាយយកពិន្ទុ, នារីវាយយកពិន្ទុ, យុវជន៣ទល់៣, យុវជនវាយយកពិន្ទុ៕